കാലിഫോർണിയ : ഗ്രാമി പുരസ്കാര ജേതാവ് ഗായിക അനിറ്റാ പോയിന്റർ അന്തരിച്ചു. കാലിഫോർണിയയിലെ ബെവർലി ഹിൽസിലെ വസതിയിൽ ക്യാൻസർ ബാധിച്ച് ചികിത്സയിലിരിക്കെയാണ് അന്ത്യം. 74 വയസ്സായിരുന്നു. 1969ലാണ് സഹോദരിമാരായ ബോണി, ജൂൺ എന്നിവരുമായി ചേർന്ന് അനീറ്റ ദ പോയിന്റർ സിസ്റ്റേഴ്സ് രൂപീകരിച്ചത്. 1970-കളുടെ അവസാനത്തിലും 80-കളുടെ ആദ്യവുമാണ് ഗ്രാമി ജേതാക്കളായ പോയിഗ്രാമി പുരസ്കാര ജേതാവ് ഗായിക അനിറ്റാ പോയിന്റർ വിടവാങ്ങിർ സഹോദരിമാർ ലോകശ്രദ്ധ പിടിച്ച് പറ്റുന്നത്.
പോപ്പ്, കൺട്രി, ആർ&ബി ഹിറ്റുകളിൽ 1978 ലെ ഫയർ, 1980ലെ ഹി ഈസ് സോ ഷൈ, 1981ലെ സ്ലോ ഹാൻഡ്, 1983ലെ ന്യൂട്രോൺ ഡാൻസ്, ഐ ആം സോ എക്സൈറ്റഡ്, ഓട്ടോമാറ്റിക്, ജമ്പ് എന്നിവ അവരുടെ വലിയ ഹിറ്റുകളിൽ ഉൾപ്പെടുന്നു. 1975ൽ ഹിറ്റ് ഗാനമായ ഫെയറിടെയിൽ മികച്ച കൺട്രി വോക്കൽ പ്രകടനത്തിനുള്ള ഗ്രാമി അവാർഡ് നേടിയിരുന്നു.
1983ൽ ബ്രേക്ക് ഔട്ട് എന്ന ആല്ബം മൾട്ടി-പ്ലാറ്റിനം പദവിയിലെത്തുകയും രണ്ട് ഗ്രാമി അവാർഡുകൾ സ്വന്തമാക്കുകയും ചെയ്തു. 1987ൽ അവർ തന്റെ ആദ്യ സോളോ ആൽബമായ ലവ് ഫോർ വാട്ട് ഇറ്റ് ഈസ് പുറത്തിറക്കി. 2015ൽ അനാരോഗ്യത്തെ തുടർന്നാണ് ദി പോയിഗ്രാമി പുരസ്കാര ജേതാവ് ഗായിക അനിറ്റാ പോയിന്റർ വിടവാങ്ങിർ സിസ്റ്റേഴ്സിൽ നിന്ന് അവർ വിരമിച്ചത്. യുഎസിലെ വംശീയ വെറിക്കെതിരെ ഐക്യത്തിനും സഹിഷ്ണുതയ്ക്കും ആഹ്വാനം ചെയ്യുന്ന സംഗീതമായിരുന്നു പോയിന്റര് സിസ്റ്റേഴ്സ് എന്ന പേരില് അനീറ്റയും സഹോദരിമാരും ലോകത്തിന് സമ്മാനിച്ചത്. കറുത്ത ജനത നേരിട്ടിരുന്ന പ്രശ്നങ്ങളെ സംഗീതത്തിലൂടെ അടയാളപ്പെടുത്താനായിരുന്നു അവരുടെ ശ്രമം.
