ഡൽഹി: അയോധ്യ സംഭാവനക്കൊള്ള കേസില് സുപ്രീംകോടതിയില് തല്സ്ഥിതി റിപ്പോര്ട്ട് നല്കി എസ്ഐടി. നാളെ കേസ് പരിഗണിക്കാനിരിക്കേയാണ് റിപ്പോര്ട്ട് നല്കിയത്. അന്തിമ റിപ്പോര്ട്ട് സര്ക്കാരിന് കൈമാറാന് എസ് ഐ ടി സമയം തേടിയിരുന്നു. അയോധ്യാ രാമക്ഷേത്ര സംഭാവന കൊള്ളയില് സ്വതന്ത്ര അന്വേഷണം ആവശ്യപ്പെട്ടുള്ള ഹര്ജികളില് ആയിരുന്നു സുപ്രീംകോടതി എസ്ഐടിയോട് തല്സ്ഥിതി റിപ്പോര്ട്ട് തേടിയത്. നാളെ ഹര്ജി പരിഗണിക്കാന് ഇരിക്കെ എസ്ഐടി റിപ്പോര്ട്ട് ഇന്ന് കോടതിയില് സമര്പ്പിക്കും. അന്വേഷണ പുരോഗതി കേസില് കണ്ടെത്തിയ നിര്ണായക തെളിവുകള് ഉള്പ്പെടെയുള്ള കാര്യങ്ങള് റിപ്പോര്ട്ടില് വിശദീകരിക്കും. റിപ്പോര്ട്ടിന്റെ അടിസ്ഥാനത്തില് ആയിരിക്കും സ്വതന്ത്ര അന്വേഷണം വേണമോ എന്ന കാര്യത്തില് കോടതി തീരുമാനം എടുക്കുക.
സംഭാവന കൊള്ളയില് സ്വതന്ത്രവും സമഗ്രവുമായ അന്വേഷണം ആവശ്യപ്പെട്ട് ലോക്സഭ പ്രതിപക്ഷ നേതാവ് രാഹുല് ഗാന്ധിയും കോണ്ഗ്രസ് ദേശീയ അധ്യക്ഷന് മല്ലികാര്ജുന് ഖാര്ഗെയും പ്രധാനമന്ത്രി നരേന്ദ്രമോദിക്ക് കത്തയച്ചു. ട്രസ്റ്റിന്റെ അക്കൗണ്ടുകള് പരസ്യമാക്കണം. കുറ്റകൃത്യത്തിന് മുന്നില് പ്രധാനമന്ത്രി മൗനം പാലിക്കുന്നത് അംഗീകരിക്കാനാവില്ല എന്നും കത്തില് വിമര്ശിച്ചു. അതിനിടെ, രാമക്ഷേത്രത്തില് സംഭാവന എണ്ണി തിട്ടപ്പെടുത്തുന്നതിന്റെ സുരക്ഷ വര്ധിപ്പിച്ചു. കൗണ്ടിംഗ് റൂമിലേക്കുള്ള പ്രവേശന കവാടത്തിനു മുന്നില് പൊലീസും എസ്ഐഎസും സുരക്ഷ ഒരുക്കും. കൗണ്ടിംഗ് റൂമില് നിന്ന് പുറത്തേക്ക് പോകുമ്പോള് ജീവനക്കാരെ പൂര്ണ്ണമായി പരിശോധനയ്ക്ക് വിധേയരാക്കും.
