കോന്നി : കോന്നി കെ എസ് ആര് ടി സി ഡിപ്പോയിൽ നിന്നും പത്തനാപുരം,കലഞ്ഞൂർ മാങ്കോട്, അതിരുങ്കൽ, രാധപ്പടി, പുളിഞ്ചണി, വെൺമേലിൽ പടി, എലിയറയ്ക്കൽ, കോന്നി വഴി കോന്നി മെഡിക്കൽ കോളേജിലേക്കുള്ള കെ എസ് ആര് ടി സി ഓർഡിനറി സർവീസ് കോന്നി എം എല് എ അഡ്വ.കെ യു.ജനിഷ് കുമാർ ഫ്ലാഗ് ഓഫ് ചെയ്തു ആരംഭിച്ചു. ജനുവരി 17 നു കോന്നിയില് കെ എസ് ആര് ടി സി യാർഡിന്റെ നിർമാണ ഉത്ഘാടനത്തിനു എത്തിയ ഗതാഗത വകുപ്പ് മന്ത്രി ആന്റണി രാജുവിന്
എംഎൽഎയുടെയും ജനപ്രതിനിധികളുടെയും പാർട്ടി ഭാരവാഹികളുടെയും ആവശ്യപ്രകാരം ഈ മാസം 31മുതൽ പത്തനാപുരം, കലഞ്ഞൂർ,മാങ്കോട്, എലിക്കോട്, അതിരുങ്കൽ,രാധപ്പടി, പുളിഞ്ചാണി,എലിയറയ്ക്കൽ,കോന്നി, ആനകുത്തി വഴി മെഡിക്കൽ കോളജ് ആശുപത്രിയിലേക്ക് കെഎസ്ആർടിസി സർവീസ് അനുവദിക്കുമെന്നു മന്ത്രി പറഞ്ഞിരുന്നു. എം എൽ എ ഫ്ലാഗ് ഓഫ് ചെയ്ത ചടങ്ങിൽ കോന്നി ബ്ലോക്ക് പഞ്ചായത്ത് പ്രസിഡന്റ് ജിജി സജി, കേരള കോൺഗ്രസ്സ് നേതാവ് സണ്ണി ജോർജ്, രാജു നെടുവംപുറം, കെ എസ് ആർ ടിസി ഉദ്യോഗസ്ഥർ തുടങ്ങിയവർ പങ്കെടുത്തു.
