തൃശൂര് : തെരുവ് നായയുടെ കടിയേറ്റ് ചികിത്സയിലായിരുന്ന സ്ത്രീ മരിച്ചു. കണ്ടാണശ്ശേരി പോസ്റ്റ് ഓഫിസിലെ താത്കാലിക ജീവനക്കാരി ഷീല (52) യാണ് മരിച്ചത്. മൂന്ന് ദിവസം മുമ്പാണ് തെരുവ് നായയുടെ കടിയേറ്റത്. ആശുപത്രിയിലെത്തി കുത്തിവയ്പ് എടുത്തിരുന്നു. കുത്തിവയ്പ് എടുത്ത ശേഷം വീട്ടിലെത്തി ഭക്ഷണം കഴിക്കുന്നതിനിടെ ഛര്ദിക്കുകയായിരുന്നു.
ഒറ്റയ്ക്ക് കഴിഞ്ഞിരുന്ന ഇവര് രാത്രി സഹോദരിയുടെ വീട്ടിലാണ് ഉറങ്ങിയിരുന്നത്. ഇങ്ങനെ പോയി മടങ്ങുന്നതിനിടെയാണ് തെരുവുനായയുടെ കടിയേറ്റത്. മൃതദേഹം താലൂക്ക് ആശുപത്രി മോര്ച്ചറിയിലേക്ക് മാറ്റി. മരണകാരണം പോസ്റ്റുമോര്ട്ടത്തിന് ശേഷമേ വ്യക്തമാകൂ.
