കൽപറ്റ : കാതടപ്പിക്കുന്ന സംഗീതവും ചെവി തുളഞ്ഞുകയറുന്ന എയർ ഹൊണുമൊക്കെയായി ബസിലെ യാത്ര ബുദ്ധിമുട്ടായി തോന്നുന്നുേണ്ടാ. നിങ്ങൾക്ക് കയറേണ്ട ബസ് സമയക്രമം പാലിക്കാതെയും റൂട്ട് തെറ്റിച്ചും ഓടുന്നുണ്ടോ. കൃത്യമായി ടിക്കറ്റ് ലഭിക്കാറില്ലേ. തുടങ്ങിയ സാഹചര്യങ്ങളില് മോട്ടോർ വാഹന വകുപ്പിന് പരാതി നൽകാം. വാഹനങ്ങളിലെ ശബ്ദ മലിനീകരണം ഉൾപ്പെടെ നിയമലംഘനങ്ങൾക്കെതിരെ കടുത്ത നടപടിക്കൊരുങ്ങുകയാണ് മോട്ടോര് വാഹന വകുപ്പ് അധികൃതർ.
സ്വകാര്യ ബസുകളുടെയും കോണ്ട്രാക്ട് ക്യാരേജ് ബസുകളുടെയും നിയമ ലംഘനങ്ങള് കണ്ടെത്താൻ ജില്ല മോട്ടോര് വാഹന വകുപ്പ് എന്ഫോഴ്സ്മെൻറ് ആര്ടിഒയുടെ നേതൃത്വത്തില് നവംബര് 15 മുതല് പരിശോധന കര്ശനമാക്കും. നിയമ ലംഘനങ്ങള്ക്ക് ഓരോന്നിനും 7500 രൂപ മുതല് പിഴയീടാക്കല്, വാഹനത്തിെൻറ പെര്മിറ്റ് റദ്ദാക്കല്, ഡ്രൈവര് / കണ്ടക്ടര് എന്നിവരുടെ ലൈസന്സ് റദ്ദ് ചെയ്യല് തുടങ്ങിയ ശിക്ഷ നടപടികള് സ്വീകരിക്കുമെന്ന് എന്ഫോഴ്സ്മെൻറ് ആര്.ടി.ഒ അനൂപ് വര്ക്കി അറിയിച്ചു. നിയമലംഘനങ്ങള് ശ്രദ്ധയില്പെട്ടാല് പൊതുജനങ്ങള്ക്ക് ഫോട്ടോ സഹിതം വാട്സ്ആപ് നമ്പറിലോ ഇ – മെയില് ഐ.ഡി വഴിയോ പരാതി നല്കാം. വാട്സ്ആപ് നമ്പർ: 9188961290 മെയിൽ ഐ.ഡി : [email protected]