കോഴഞ്ചേരി : കോഴഞ്ചേരി പമ്പയാറ്റില് വിദ്യാര്ഥി മുങ്ങി മരിച്ചു. പത്തനംതിട്ട മേലേവെട്ടിപ്പുറം സ്വദേശി കുമ്പളംതോട്ടത്തില് സൂര്യയുടെ മകന് നിരഞ്ജന് (18) ആണ് മരിച്ചത്. കോഴഞ്ചേരി കീഴുകര കൈതവന കടവിലാണ് വിദ്യാര്ഥി മുങ്ങി മരിച്ചത്. കോഴഞ്ചേരി പമ്പ് ഹൗസിന് സമീപം സുഹൃത്തുക്കളായ ആറു വിദ്യാര്ഥികള് ചേര്ന്നാണ് കുളിക്കുവാന് ഇറങ്ങിയത്. ഇതിനിടയില് നിരഞ്ജന് ഒഴുക്കില്പ്പെടുകയും കാണാതാവുകയും ചെയ്തു. പിന്നീട് പത്തനംതിട്ടയില് നിന്നും എത്തിയ അഗ്നിരക്ഷാ സേനയുടെ സ്കൂബ ടീമും പോലീസും നാട്ടുകാരും ചേര്ന്ന് നടത്തിയ തിരച്ചിലില് ആണ് വിദ്യാര്ഥിയുടെ മൃതദേഹം കണ്ടെത്തിയത്. മൃതദേഹം സ്ഥലത്ത് നിന്ന് മാറ്റി. ആറന്മുള പോലീസ് നടപടി സ്വീകരിച്ചു.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) ഇപ്പോള് പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
