മലപ്പുറം : വിദ്യാർത്ഥികളെ കയറ്റാത്ത ബസിനെ റോഡിൽ ഒറ്റയ്ക്ക് തടഞ്ഞിട്ട് സ്കൂൾ പ്രിൻസിപ്പൽ. പെരിന്തൽമണ്ണ താഴെക്കോട് കാപ്പുപറമ്പ് പി.ടി.എം.എച്ച്.എസ്.എസ് പ്രിൻസിപ്പൽ ഡോ. സക്കീറാണ് കുട്ടികളുടെ പരാതിയെ തുടർന്ന് ബസ് തടഞ്ഞത്. കോഴിക്കോട്-പാലക്കാട് റൂട്ടിൽ സർവീസ് നടത്തുന്ന ‘രാജപ്രഭ’ ബസിനെതിരെയായിരുന്നു പരാതി.
സ്റ്റോപ്പിൽ സ്ഥിരമായി നിർത്തുന്നില്ലെന്നും അപകടകരമായ രീതിയിൽ ഓടിച്ചു പോകുന്നതായും വിദ്യാർത്ഥികൾ പറയുന്നു. പരാതി നൽകിയിരുന്നെങ്കിലും അധികൃതരുടെ ഭാഗത്തു നിന്ന് നടപടിയൊന്നുമുണ്ടായിരുന്നില്ല. ഇതോടെയാണ് പ്രിൻസിപ്പൽ നേരിട്ടു രംഗത്തെത്തിയത്.
