കൊല്ക്കത്ത: തൃണമൂല് കോണ്ഗ്രസിന്റ മുതിര്ന്ന നേതാവായ സുവേന്ദു അധികാരി മന്ത്രി സ്ഥാനം രാജിവെച്ചു. ബംഗാളില് മമതാ സര്ക്കാരിന്റെ മന്ത്രിസഭയില് ഗതാഗത മന്ത്രിയായിരുന്നു സുവേന്ദു. അദ്ദേഹം പാര്ട്ടി വിട്ടതായും ബിജെപിയില് ചേരുമെന്നും റിപ്പോര്ട്ടുകളുണ്ട്. ഹൂഗ്ലി റിവര് ബ്രിഡ്ജ് കമ്മീഷന്റെ ചെയര്മാന് പദവിയില്നിന്നും സുവേന്ദു അധികാരി കഴിഞ്ഞ ദിവസം രാജി വെച്ചിരുന്നു. കഴിഞ്ഞ കുറച്ചു മാസങ്ങളായി അദ്ദേഹം പാര്ട്ടി മീറ്റിങ്ങുകളിലും ക്യാബിനറ്റ് മീറ്റിങ്ങുകളിലും പങ്കെടുത്തിരുന്നില്ല. ഇന്ന് ഉച്ചയ്ക്ക് ഒരു മണിയോടെയാണ് സുവേന്ദു അധികാരി രാജികത്ത് സമര്പ്പിച്ചതായി ബംഗാള് ഗവര്ണര് ജഗ്ദീപ് ധന്കാര് ട്വീറ്റു ചെയ്തത്.
