സുസുക്കിക്ക് ഇന്ത്യന് വാഹന വിപണിയില് ഇഷ്ട്ടക്കാര് ഏറെയാണ്. എന്നും ഏറെ ആവശ്യക്കാരുണ്ട് ഇവിടെ അവന്. ഇപ്പോഴിതാ ഒരു പുതിയ വിശേഷം എത്തുന്നുണ്ട്. കമ്പനി പുതിയൊരു മോട്ടോർസൈക്കിൾ കൂടി ഇന്ത്യൻ വിപണിയിൽ ലോഞ്ച് ചെയ്യാനുള്ള തയ്യാറെടുപ്പിലാണ്. സുസുക്കി വി-സ്റ്റോം 800DE (Suzuki V-Strom 800DE) എന്ന മോട്ടോർസൈക്കിളാണ് കമ്പനി പുറത്തിറക്കാൻ പോകുന്നത്. എന്നാൽ ഇക്കാര്യം കമ്പനി ഔദ്യോഗികമായി സ്ഥിരീകരിച്ചിട്ടില്ല.
വില കുറവ്, ഗുണം മെച്ചം
നിലവിൽ സുസുക്കി ഡീലർഷിപ്പുകൾ സുസുക്കി വി-സ്റ്റോം 800DE എന്ന വരാനിരിക്കുന്ന ബൈക്കിനെ കുറിച്ച് സുസുക്കി വി-സ്റ്റോം 650XT എന്ന നിലവിലുള് മോഡൽ വാങ്ങാൻ എത്തുന്നവർക്ക് വിശദീകരിക്കുന്നുണ്ടെന്നും റിപ്പോർട്ടുകളുണ്ട്. എന്നാൽ ഡീലർഷിപ്പുകൾ ഇതുവരെ പുതിയ വാഹനത്തിന്റെ ബുക്കിങ് ആരംഭിച്ചിട്ടില്ല. അനൌദ്യോഗികമായ ബുക്കിങ്ങ് എടുക്കുന്നതായും സൂചനകളില്ല. സെഗ്മെന്റിലെ ഏറ്റവും വില കുറഞ്ഞ ബൈക്ക് ആയിട്ടായിരിക്കും സുസുക്കി വി-സ്റ്റോം 800DE വരുന്നത്.
എഞ്ചിന് കരുത്തില് മുന്നില്
സുസുക്കി വി-സ്റ്റോം 800DE മോട്ടോർസൈക്കിളിൽ 83 ബിഎച്ച്പി പവറും 78 എൻഎം ടോർക്കും നൽകുന്ന 776 സിസി, പാരലൽ ട്വിൻ എഞ്ചിനായിരിക്കും ഉണ്ടാവുക. 6 സ്പീഡ് ഗിയർബോക്സുമായിട്ടായിരിക്കും ഈ വാഹനം വരുന്നത്. ഒന്നിലധികം റൈഡിംഗ് മോഡുകളും ഈ വാഹനത്തിൽ ഉണ്ടായിരിക്കും. ടു-വേ ക്വിക്ക്-ഷിഫ്റ്റർ, ട്രാക്ഷൻ കൺട്രോൾ, അഞ്ച് ഇഞ്ച് TFT സ്ക്രീൻ എന്നിവയുമായും സുസുക്കി വി-സ്റ്റോം 800DE മോട്ടോർസൈക്കിളിൽ ഉണ്ടായിരിക്കും.
സവിശേഷതകൾ
സുസുക്കി വി-സ്റ്റോം 800DE മോട്ടോർസൈക്കിളിന് 21/17-ഇഞ്ച് സ്പോക്ക് വീലുകളായിരിക്കും ഉണ്ടാവുക. ഓഫ്-റോഡ് കഴിവ് വർധിപ്പിക്കുന്നതിനായി സ്പോക്ക് വീലുകൾക്കൊപ്പം ഡൺലുപ് ട്രെയിൽമാക്സ് മിക്സ്ടൂർ ടയറുകളും ബൈക്കിൽ കമ്പനി നൽകും. മുൻവശത്ത് പൂർണ്ണമായും ക്രമീകരിക്കാവുന്ന ഫോർക്കുകളും പിന്നിൽ പ്രീലോഡ്-അഡ്ജസ്റ്റബിൾ മോണോ-ഷോക്കുമായിരിക്കും സുസുക്കിയുടെ പുതിയ ബൈക്കിന്റെ സസ്പെൻഷൻ സവിശേഷതകൾ.
