തിരുവല്ല : കേരള വ്യാപാരി വ്യവസായി ഏകോപന സമിതി സംസ്ഥാന പ്രസിഡന്റ് ടി നസിറുദ്ദീന്റെ നിര്യാണത്തില് തിരുവല്ല മര്ച്ചന്റ് അസോസിയേഷന് അനുശോചനം രേഖപ്പെടുത്തി. കേരളവ്യാപാരി വ്യവസായി ഏകോപന സമിതിയെയും കേരളത്തിലെ പത്ത് ലക്ഷത്തിലധികം വരുന്ന വ്യാപാരികളെയും കഴിഞ്ഞ മുപ്പത് വര്ഷക്കാലം ഒറ്റക്കെട്ടായി മുന്നോട്ടു നയിച്ച ധീരനായ നേതാവായിരുന്നു നസിറുദ്ദീന് എന്ന് തിരുവല്ല മര്ച്ചന്റ്സ് അസ്സോസിയേഷന് അനുസ്മരിച്ചു.
വ്യാപാരികളുടെ കെട്ടുറപ്പും ഐക്യവും ശക്തിപ്പെടുത്തുകയും നിരവധി അവകാശങ്ങള് നേടിയെടുക്കുന്നതിന് അക്ഷീണം പരിശ്രമിച്ച വ്യക്തിത്വമായിരുന്നു നസിറുദ്ദീന്. വ്യാപാരികള്ക്കെതിരെയുള്ള ഉദ്യോഗസ്ഥ പ്രീണനം അവസനിപ്പിക്കുന്നതിന് മുന്കൈയെടുത്ത നസിറുദ്ദീന്റെ വേര്പാട് കേരളത്തിലെ വ്യാപാരികള്ക്ക് തീരാ നഷ്ടമാണെന്ന് യോഗം വിലയിരുത്തി. അദ്ദേഹത്തോടുള്ള ആദരസൂചകമായി ഇന്ന് തിരുവല്ലയില് കടകള് അടച്ച് വ്യാപാരികള് ദുഖാചരണം നടത്തി.
