പത്തനംതിട്ട: ജില്ലയിലെ സൈനിക -അർദ്ധ സൈനിക- വിമുക്തഭടന്മാരുടെ സംഘടനയായ ടീം പത്തനംതിട്ട സോൾജിയേഴ്സ് എന്ന തപസിന്റെ നേതൃത്വത്തിൽ ജില്ലയിലെ നിർധനരായ വിദ്യാർത്ഥികൾക്ക് പഠനോപകരണങ്ങൾ വിതരണം ചെയ്തു. ജില്ലയിലെ വിവിധ സ്ഥലങ്ങളിലുള്ള 20 സ്കൂളുകളിൽ നിന്നും തിരഞ്ഞെടുക്കപ്പെട്ട ഇരുനൂറോളം കുട്ടികൾക്കാണ് ബാഗുൾപ്പടെ സ്കൂളിലേക്ക് വേണ്ട മുഴുവൻ പഠനസാമഗ്രികൾ അടങ്ങുന്ന കിറ്റ് വീടുകളില് എത്തിച്ചുനൽകിയത്. പുതിയ അധ്യയനവർഷത്തിൽ സാമ്പത്തിക ബുദ്ധിമുട്ടുകൾ മൂലം ഒരു കുട്ടിയുടെയും പഠനം മുടങ്ങരുത് എന്ന ലക്ഷ്യത്തോടെയാണ് തപസ് ഈ പദ്ധതി സംഘടിപ്പിച്ചത്.
തപസ് ഭരണസമിതി അംഗങ്ങൾ ആയ സനൂപ് കോന്നി, മുകേഷ് പ്രമാടം, ദിനേശ് കൊടുമൺ, അനന്ദു അങ്ങാടിക്കൽ എന്നിവരുടെ നേതൃത്വത്തിലാണ് പഠനോപകരണ വിതരണം സംഘടിപ്പിച്ചത്. സംഘടനയിലെ അംഗങ്ങളായ രതീഷ്, ദിലീപ്, അരുൺ, മോഹനരാജ്, സുരേഷ്, സുരേന്ദ്രൻപിള്ള, അനിൽ, ലിജു, പ്രിൻസ്, ഗിരീഷ്, രാജീവ്, അശോക്, നിഷാജ്, മനു എന്നിവർ ചേര്ന്നാണ് പഠനോപകരണങ്ങള് കുട്ടികള്ക്ക് എത്തിച്ച് നല്കിയത്.
