റാന്നി : ശബരിമല തീർത്ഥാടനത്തിന്റെ മുന്നോടിയായി വടശ്ശേരിക്കരയിൽ താത്ക്കാലിക പോലീസ് സ്റ്റേഷൻ ആരംഭിച്ചു. വടശ്ശേരിക്കര പാലത്തിനു സമീപത്തായി സ്ഥാപിച്ച താത്ക്കാലിക പോലീസ് സ്റ്റേഷന്റെ ഉദ്ഘടനം പെരുനാട് സി ഐ രാജീവ് കുമാർ നിർവഹിച്ചു. പുളിക്കീഴ് സ്റ്റേഷനിലെ എസ്സ് ഐ സുരേഷ് കുമാറിനാണ് പോലീസ് സ്റ്റേഷന്റെ ചുമതല. വിവിധ സ്റ്റേഷനുകളിൽ നിന്ന് പത്തു സിവിൽ പോലീസുകാരെയും ഇവിടെ നിയമിച്ചിട്ടുണ്ട്. കുമ്പളാംപൊയ്ക മുതൽ രാജാമ്പാറ വരെ ഇവരുടെ പരിധിയിൽ വരും. മണ്ഡല മകരവിളക്ക് കഴിഞ്ഞു നട അടക്കുന്നവരെ താത്ക്കാലിക പോലീസ് സ്റ്റേഷൻ ഇവിടെ സ്ഥിതിചെയ്യും.
