മസ്കറ്റ് : അസാന്മാര്ഗിക പ്രവര്ത്തനങ്ങളില് ഏര്പ്പെട്ട 10 പ്രവാസികള് ഒമാനില് അറസ്റ്റില്. ഏഷ്യക്കാരായ 10 പേരെയാണ് വടക്കന് അല് ബത്തിന പോലീസ് കമാന്ഡ് അറസ്റ്റ് ചെയ്തതെന്ന് റോയല് ഒമാന് പോലീസ് പ്രസ്താവനയില് പറഞ്ഞു. പിടിയിലായവരില് ഒരു സ്ത്രീയും ഉള്പ്പെടുന്നു. അസാന്മാര്ഗിക പ്രവര്ത്തങ്ങളില് ഏര്പ്പെട്ടു എന്നതാണ് ഇവര്ക്കെതിരെയുള്ള കുറ്റം. അറസ്റ്റിലായവര്ക്കെതിരെ നിയമനടപടികള് പൂര്ത്തിയാക്കി വരികയാണെന്ന് റോയല് ഒമാന് പോലീസ് കൂട്ടിച്ചേര്ത്തു.
