കോഴഞ്ചേരി : ഓൾ കേരള മാർബിൾ ആൻഡ് ടൈൽസ് വർക്ക് അസോസിയേഷൻ പത്തനംതിട്ട ജില്ലാ കമ്മറ്റിയുടെ നേതൃത്വത്തിൽ കോഴഞ്ചേരി വ്യാപാരഭവനിൽ ജില്ലാ പ്രസിഡന്‍റ് കെ.മധുവിന്‍റെ അധ്യക്ഷതയിൽ കൂടിയ ജില്ലാ കൺവെൻഷൻ, സ്ഥാപക നേതാവ് പി.വി പങ്കജാക്ഷൻ ഉദ്ഘാടനം ചെയ്തു. അന്യ സംസ്ഥാന തൊഴിലാളികളുടെ തള്ളിക്കയറ്റം മൂലം ഈ മേഖലയിലെ തൊഴിലാളികൾക്ക് തൊഴിൽ ചെയ്യാനുള്ള അവസരം നഷ്ടപ്പെടുന്നു എന്ന ആശങ്ക നിലനിൽക്കുന്നു എന്ന് അദ്ദേഹം പറഞ്ഞു.
സംസ്ഥാന വർക്കിങ് പ്രസിഡന്‍റ് സുരേഷ് എം.എൻ ജീവൻ നിധി പഠന ക്ലാസ് നടത്തി. ജില്ലാ സെക്രട്ടറി ബെന്നി കെ.വി യുടെ നേതൃത്വത്തിൽ സംഘടന അവലോകനം നടത്തി. മാർബിൾ ആൻഡ് ടൈൽസ് മേഖലയിൽ തൊഴിൽ ചെയ്യുന്ന തൊഴിലാളികളുടെ വിവിധ പ്രശ്നങ്ങളെ കുറിച്ച് യോഗം ചർച്ച ചെയ്തു. തൊഴിൽ ക്ഷാമം, ഏകികരണ വേതനം, എന്നിവ നടപ്പാക്കാൻ സർക്കാർ ഭാഗത്തുനിന്ന് ഇടപെടൽ ഉണ്ടാകണമെന്ന് യോഗം ആവിശ്യപെട്ടു. ജിനു ഡേവിഡ് വടശ്ശേരിക്കര സ്വാഗതവും, ജില്ലാ നേതാക്കളായ മനോജ് എം.വി അടൂർ, മധുസൂദനൻ നായർ, അഷ്റഫ് എസ് അടൂർ തുടങ്ങിയവർ സംസാരിച്ചു.
