പാലക്കാട് : തങ്കം ആശുപത്രിയില് അമ്മയും കുഞ്ഞും മരിച്ച സംഭവത്തില് യുവജന കമ്മീഷന് പ്രാഥമിക അന്വേഷണം നടത്തി. യുവജന കമ്മീഷന് അംഗം അഡ്വ.ടീ മഹേഷ്, സ്റ്റേറ്റ് കോ ഓര്ഡിനേറ്റര് അഡ്വ.എം രണ്ദീഷ്, ജില്ലാ കോ ഓര്ഡിനേറ്റര് അഖില് എന്നിവര് ചെമ്പകശ്ശേരിയിലെ ഐശ്വര്യയുടെ ഭര്തൃഗൃഹത്തില് എത്തി ഭര്ത്താവ് രഞ്ജിത്തിന്റെയും ബന്ധുക്കളുടെയും മൊഴി രേഖപ്പെടുത്തി. തത്തമംഗലം സ്വദേശി ഐശ്വര്യയാണ് ജൂലൈ 4 ന് മരണപ്പെട്ടത്. ഐശ്വര്യ ജന്മം നല്കിയ നവജാത ശിശു ജൂലൈ 02 ന് മരണപ്പെട്ടിരുന്നു. ആറു ദിവസം മുമ്പാണ് പ്രസവ വേദനയെ തുടര്ന്ന് 23 വയസുകാരി ഐശ്വര്യയെ ആശുപത്രിയില് പ്രവേശിപ്പിച്ചത്.
9 മാസവും പരിശോധിച്ച ഡോക്ടറുടെ സേവനം അടിയന്തിര സാഹചര്യത്തില് ലഭ്യമായില്ലെന്നും ഡ്യൂട്ടി ഡോക്ടര്മാരുടെ സേവനവും കാര്യക്ഷമമായി ലഭിച്ചില്ലെന്നും യുട്രസ് നീക്കം ചെയ്യുന്നതും ബ്ലീഡിംഗ് രൂക്ഷമായതുള്പ്പടെ ഉള്ള വിവരങ്ങള് ബന്ധുക്കളെ യഥാസമയം അറിയിക്കുന്നതില് ആശുപത്രി അധികൃതര്ക്ക് വീഴ്ച വന്നുവെന്നാണ് പ്രാഥമിക നിഗമനം. വിഷയത്തില് തങ്കം ആശുപത്രിയില് ഗുരുതരമായ വീഴ്ചകള് സംഭവിച്ചിട്ടുണ്ടോ എന്ന് പരിശോധിച്ച് റിപ്പോര്ട്ട് നല്കാന് ഡിജിപിയോടും ആരോഗ്യവകുപ്പിനോടും ആവശ്യപ്പെട്ടിട്ടുണ്ട്. റിപ്പോര്ട്ടുകളുടെ അടിസ്ഥാനത്തില് തുടര്നടപടികള് യുവജന കമ്മിഷന് ഉറപ്പാക്കും.
