പത്തനംതിട്ട : പ്രധാനമന്ത്രി നരേന്ദ്ര മോദിയും ബിജെപി സര്ക്കാരും അദാനിയെ സഹായിക്കുന്നതിനായി പൊതുമേഖല ധനകാര്യ സ്ഥാപനങ്ങളായ എസ്.ബി.ഐ, എല്.ഐ.സി എന്നിവയോട് അവരുടെ കരുതല് ധനം അദാനി കമ്പനികളില് നിര്ബന്ധിത നിക്ഷേപം നടത്തുവാന് നിര്ദ്ദേശം നല്കിയതില് പ്രതിഷേധിച്ച് ജില്ലയിലെ പത്ത് ബ്ലോക്ക് കോണ്ഗ്രസ് കമ്മിറ്റികളുടെ നേതൃത്വത്തില് മാര്ച്ച് 10-ാം തീയതി എല്.ഐ.സി ഓഫീസുകള്, ദേശസാല്കൃത ബാങ്കുകള് എന്നിവയുടെ മുന്നില് പ്രതിഷേധ ധര്ണ്ണ നടത്തുമെന്ന് ഡി.സി.സി പ്രസിഡന്റ് പ്രൊഫ. സതീഷ് കൊച്ചുപറമ്പില് പ്രസ്താവിച്ചു.
റാന്നി ബ്ലോക്ക് കോണ്ഗ്രസ് കമ്മിറ്റി നടത്തുന്ന ധര്ണ്ണ കെ.പി.സി.സി രാഷ്ട്രീയകാര്യസമിതി അംഗം പ്രൊഫ. പി.ജെ കുര്യനും അടൂര് ബ്ലോക്കില് കെ.പി.സി.സി ജനറല് സെക്രട്ടറി അഡ്വ. പഴകുളം മധുവും കോന്നി ബ്ലോക്കില് ആന്റോ ആന്റണി എം.പി യും, മല്ലപ്പള്ളി ബ്ലോക്കില് യു.ഡി.എഫ് ജില്ലാ കണ്വീനര് എ. ഷംസുദ്ദീനും, മുന് ഡി.സി.സി പ്രസിഡന്റുമാരായ അഡ്വ. കെ. ശിവദാസന് നായര് എക്സ്. എം.എല്.എ ആറന്മുള ബ്ലോക്കിലും പി. മോഹന്രാജ് പത്തനംതിട്ട ബ്ലോക്കിലും തണ്ണിത്തോട് ബ്ലോക്കില് കെ.പി.സിസി നിര്വ്വാഹക സമിതി അംഗം ജോര്ജ്ജ് മാമ്മന് കൊണ്ടൂരും തിരുവല്ല ബ്ലോക്കില് കെ.പി.സി.സി സെക്രട്ടറി അഡ്വ. എന്. ഷൈലാജും എഴുമറ്റൂരില് കെ.പി.സി.സി സെക്രട്ടറി റിങ്കു ചെറിയാനും പന്തളം ബ്ലോക്കിലെ കൊടുമണ്ണില് കെ.പി.സി.സി സെക്രട്ടറി അനീഷ് വരിക്കണ്ണാമലയും ധര്ണ്ണകള് ഉദ്ഘാടനം ചെയ്യും.
വീഡിയോ എഡിറ്ററെ ആവശ്യമുണ്ട്
Eastindia Broadcasting Pvt. Ltd. ന്റെ ഉടമസ്ഥതയിലുള്ള പ്രമുഖ ഓണ്ലൈന് ന്യൂസ് ചാനല് ആയ പത്തനംതിട്ട മീഡിയായിലേക്ക് വീഡിയോ എഡിറ്ററെ ആവശ്യമുണ്ട്. യോഗ്യരായ ഉദ്യോഗാര്ത്ഥികളില് നിന്നും അപേക്ഷകള് ക്ഷണിക്കുന്നു. ഏതെങ്കിലും ഓണ്ലൈന് ന്യുസ് ചാനലിന്റെ വീഡിയോ പ്ലാറ്റ്ഫോം കൈകാര്യം ചെയ്തുള്ള പരിചയം ഉണ്ടായിരിക്കണം. പത്തനംതിട്ട ഓഫീസില് ആയിരിക്കും ജോലി ചെയ്യേണ്ടത്. ശമ്പളം തുടക്കത്തില് 15000 രൂപാ പ്രതിമാസം ലഭിക്കും. താല്പ്പര്യമുള്ളവര് പാസ്പോര്ട്ട് സൈസ് ഫോട്ടോ സഹിതം വിശദമായ ബയോഡാറ്റാ മെയില് ചെയ്യുക. [email protected] കൂടുതല് വിവരങ്ങള്ക്ക് 94473 66263, 85471 98263, 0468 2333033 എന്നീ നമ്പരുകളില് ബന്ധപ്പെടാം.