കോന്നി : തണ്ണിത്തോട് പഞ്ചായത്തിലെ കരിമാൻതോട് തൂമ്പാകുളത്ത് കടുവ പശുവിനെ ആക്രമിച്ചു. കഴിഞ്ഞ ദിവസം പുലർച്ചെ മൂന്ന് മണിയോടെ ആണ് തൂമ്പാക്കുളം മേൽത്തട്ട് കളത്തിൽ സുനിലിന്റെ വീട്ടിലെ പശുവിനെ കടുവ ആക്രമിച്ചത്. പുലർച്ചെ തൊഴുത്തിൽ ശബ്ദം കേട്ട് ഓടിയെത്തിയ വീട്ടുകാർ കഴുത്തിൽ മുറിവേറ്റ പശുവിനെ ആണ് കണ്ടത്. സംഭവം വന പാലകരെ അറിയിച്ചതിനെ തുടർന്ന് ഗുരുനാഥൻമണ്ണ് ഫോറെസ്റ്റേഷൻ അധികൃതർ സ്ഥലത്ത് എത്തി പരിശോധന നടത്തിയതിനെ തുടർന്ന് കടുവയുടെ സാന്നിധ്യം സ്ഥിരീകരിച്ചു. പ്രദേശത്ത് ക്യാമറകൾ സ്ഥാപിക്കുമെന്നും രാത്രികാല പെട്രോളിംഗ് ശക്തമാക്കുമെന്നും ഗുരുനാഥൻമണ്ണ് ഫോറെസ്റ്റ് അധികൃതർ അറിയിച്ചു. സ്റ്റേഷൻ സെക്ഷൻ ഫോറെസ്റ്റ് ഓഫീസർ ജെസ്സി ജോർജ്, ബീറ്റ് ഫോറെസ്റ്റ് ഓഫീസർമാരായ ആദർശ്, രാജിവ്, ഫോറെസ്റ്റ് വാച്ചർ ഷാജി തുടങ്ങിയവർ പരിശോധനയിൽ പങ്കെടുത്തു.
കരിമാൻതോട് തൂമ്പാകുളത്ത് കടുവ പശുവിനെ ആക്രമിച്ചു
RECENT NEWS
Advertisment