കൊച്ചി: എ.ടി.എം കൗണ്ടര് തകര്ത്ത് കവര്ച്ചക്ക് ശ്രമിച്ച കേസിലെ പ്രതി ലാപ്ടോപ് മോഷണക്കേസില് പിടിയില്. ചേര്ത്തല പട്ടണക്കാട് പൊന്നംവേലി കോഴിപ്പറമ്പില് വീട്ടില് ആല്ബിയെയാണ് (24) എറണാകുളം സൗത്ത് പോലീസ് അറസ്റ്റ് ചെയ്തത്. ലാപ്ടോപ് നഷ്ടപ്പെട്ടെന്ന അര്ജുന് എന്ന യുവാവിന്റെ പരാതിയില് നടത്തിയ അന്വേഷണത്തിലാണ് ആല്ബി പിടിയിലായത്.
പെന്റാ മേനകയിലെ കടയില്നിന്ന് ലാപ്ടോപ് കണ്ടെത്തിയ പോലീസ്, ഇത് വിറ്റപ്പോള് നല്കിയ തിരിച്ചറിയല് കാര്ഡിന്റെ പകര്പ്പ് ഉപയോഗിച്ചാണ് മോഷ്ടാവിനെ തിരിച്ചറിഞ്ഞത്.
ലാപ്ടോപ് മോഷ്ടിച്ചത് എ.ടി.എം തകര്ക്കാനുള്ള ഗ്യാസ് കട്ടറും സിലിണ്ടറും വാങ്ങാനുള്ള പണത്തിന് ആണെന്ന് പ്രതി വെളിപ്പെടുത്തി. പണം തികയാത്തതിനാല് മറൈന് ഡ്രൈവിന് സമീപത്തെ പണി പൂര്ത്തിയാകാത്ത കെട്ടിടത്തില്നിന് ലിഫ്റ്റിന്റെ സാധനങ്ങള് മോഷ്ടിച്ച് വിറ്റതായും പ്രതി സമ്മതിച്ചിട്ടുണ്ട്.
