കല്പ്പറ്റ : പന്തിപ്പോയില് ബപ്പനംമലയിലെ അംബേദ്കര് കാട്ടുനായ്ക്ക കോളനിയില് വീടിന് തീപിടിച്ച് അപകടം. വീട്ടമ്മ പൊള്ളലേറ്റ് മരിച്ചു. ദേവകി (54) യാണ് പൊള്ളലേറ്റ് മരിച്ചത്. ഇന്നലെ രാത്രി പത്തരയോടെയാണ് സംഭവം ഉണ്ടായത്. ദേവകി കിടന്നിരുന്ന മുറിക്കുള്ളിലാണ് അഗ്നിബാധയുണ്ടായത്. അതെസമയം അയല്വാസികളാണ് ആദ്യം തീ കണ്ടത്.
രക്ഷാപ്രവര്ത്തനം നടത്താന് ശ്രമിച്ചെങ്കിലും 90 ശതമാനത്തിലധികം പൊള്ളലേറ്റ ദേവകി സംഭവ സ്ഥലത്ത് തന്നെ മരിക്കുകയായിരുന്നു. വീടിന്റെ അകത്തെ മുറിയില് മകന് ഷാജിയും രണ്ട് മക്കളും കിടന്നുറങ്ങുന്നുണ്ടായിരുന്നു. അപകടം ഇവര് അറിഞ്ഞില്ലായിരുന്നുവെന്നും ഷാജിയുടെ ഭാര്യ അയല്പക്കത്തെ വീട്ടിലായിരുന്നുവെന്നും അയല്വാസികള് പറയുന്നു.
