കൊച്ചി: ബ്രഹ്മപുരവുമായി ബന്ധപ്പെട്ട മുഴുവന് കേസുകളും സര്ക്കാര് അട്ടിമറിക്കാന് ശ്രമിക്കുകയാണെന്ന് കൊച്ചി മുന് മേയര് ടോണി ചമ്മണി. വിജിലന്സ് അന്വേഷണം കുറ്റക്കരെ സംരക്ഷിക്കാന് വേണ്ടിയാണെന്നും അദ്ദേഹം ആരോപിക്കുന്നു. സോണ്ടയുടെ ഗോഡ്ഫാദറാണ് മുഖ്യമന്ത്രി. 2019 ല് മുഖ്യമന്ത്രി നെതര്ലാന്ഡ് സന്ദര്ശിച്ച വേളയില് സോണ്ട കമ്പനിയുമായി നടത്തിയ ചര്ച്ചയിലാണ് സിംഗിള് ടെന്ഡറായി മുഴുവന് മാലിന്യ പ്ലാന്റ്റുകളുടെയും കരാര് നല്കിയത്. സോണ്ട കമ്പനിക്ക് വേണ്ടി ടെന്ഡര് യോഗ്യത മാറ്റി. മുഖ്യമന്ത്രിക്ക് സോണ്ട കമ്പനിയുമായി ഗാഢമായ ബന്ധമുണ്ടോ എന്ന് വ്യക്തമാക്കണമെന്ന് ടോണി ചമ്മിണി ആവശ്യപ്പെട്ടു.
അതേസമയം സോണ്ടയ്ക്ക് എതിരെ അഴിമതി ആരോപണം ഉന്നയിച്ചതിന്റെ പേരില് സിപിഎം ഭയപ്പെടുത്തുന്നുവെന്ന് ടോണി ചമ്മണി നേരത്തെ ആരോപിച്ചിരുന്നു. സമൂഹമാധ്യമങ്ങളിലൂടെ തന്നെ ഭയപ്പെടുത്താനാണ് ഒരു വിഭാഗം ശ്രമിക്കുന്നതെന്നും എന്നാല് തന്നെ ഭയപ്പെടുത്തി പിന്മാറ്റാനാവില്ലെന്നും ആരോപണങ്ങളില് ഉറച്ചു നില്ക്കുന്നുവെന്നും ടോണി ചമ്മണി പറഞ്ഞു.
