ന്യൂഡൽഹി : ഡൽഹിയിൽ വിഷവാതക ചോർച്ച. ആർ.കെ പുരത്തിനടുത്തെ ഏക്ത വിഹാറിനടുത്താണ് ചോർച്ച ഉണ്ടായത്. വിഷവാതകം കാരണം കണ്ണിന് അസ്വസ്ഥത അനുഭവപ്പെട്ട അഞ്ചുപേരെ ആശപത്രിയിൽ പ്രവേശിപ്പിച്ചു.
എന്നാൽ എങ്ങനെയാണ് വിഷവാതകം ചോർന്നതെന്നോ എവിടെ നിന്നാണെന്നോ ഇതുവരെ വ്യക്തമായിട്ടില്ല.
സംഭവ സ്ഥലത്ത് ആംബുലൻസും അഗ്നിരക്ഷ ടെൻററുകളുമായി ഡൽഹി ഡിസാസ്റ്റർ മാനേജ്മെന്റ് അതോറിറ്റി എത്തിച്ചേർന്നെങ്കിലും വിഷവാതകത്തിന്റെ ഉറവിടം കണ്ടെത്താനായില്ല. ഏക്താ വിഹാർ പരിസരത്തെ ഗ്യാസ് സിലിണ്ടറുകളിൽ നിന്നും തീപടർന്നില്ലെന്നും നിലവിലെ സ്ഥിതി നിയന്ത്രണ വിധേയമാണെന്നും എല്ലാ സുരക്ഷാ നടപടികളും സ്വീകരിച്ചിട്ടുണ്ടെന്നും അധികൃതർ അറിയിച്ചു.
