എറണാകുളം : വൈറ്റിലയില് പുതിയ ട്രാഫിക് പരിഷ്കാരങ്ങള് നാളെ നിലവില് വരുമെന്നു സിറ്റി പോലീസ് കമ്മീഷണര് സി.എച്ച്.നാഗരാജു കഴിഞ്ഞ ദിവസം അറിയിച്ചു. പാലാരിവട്ടം ഭാഗത്തു നിന്നു കടവന്ത്ര, എറണാകുളം ഭാഗത്തേക്കു പോകുന്ന വാഹനങ്ങള് വൈറ്റില മേല്പാലം കയറി ഡിക്കാത്ലണിനു മുന്പിലുള്ള യൂടേണ് എടുത്തു കടവന്ത്ര ഭാഗത്തേക്കു പോകണം.
ഈ വാഹനങ്ങള് പാലത്തിനടിയിലൂടെ യാതൊരു കരണവശാലും കടത്തി വിടില്ല. ഇങ്ങനെ സഞ്ചരിക്കുമ്പോള് ഇപ്പോള് വൈറ്റിലയില് നഷ്ടപ്പെടുത്തുന്ന 12 മിനിറ്റിനു പകരം 3 മിനിറ്റ് കൊണ്ടു എസ്എ റോഡില് യാത്രക്കാര്ക്ക് എത്താം. വാഹനങ്ങളുടെ യുടേണ് സുഗമമാക്കാന് ഡിക്കാത്ലണിനു സമീപം ബാരിക്കേഡുകള് ട്രാഫിക് പോലീസ് സ്ഥാപിച്ചിട്ടുണ്ട്. ഇവിടെ മൂന്നുവരി പാതയില് ഒരെണ്ണം യുടേണ് എടുക്കാനായി നീക്കി വെയ്ക്കും. പാലം ഇറങ്ങി വരുന്ന വാഹനങ്ങള് വലതു വശത്തെ ട്രാക്കിലൂടെ വരുമെന്നതിനാല് പാലം ഇറങ്ങുന്ന മറ്റു വാഹനങ്ങളെ യുടേണ് ബാധിക്കില്ലെന്നാണു പോലീസിന്റെ കണക്കുകൂട്ടല്.
