വയനാട് : താമരശേരി ചുരത്തില് കെഎസ്ആര്ടിസിയുടെ മള്ട്ടി ആക്സില് വോള്വോ ബസ് കുടുങ്ങിയതിനെ തുടര്ന്ന് വന് ഗതാഗത കുരുക്ക്. ഇന്ന് രാവിലെ ആറിന് ഏഴാം വളവില് ബസ് കുടുങ്ങിയതോടെയാണ് ഇരുവശത്തേയ്ക്കുമുള്ള ഗതാഗതം തടസ്സപ്പെട്ടത്. ലക്കിടി മുതല് അടിവാരം വരെയുള്ള പ്രദേശങ്ങളില് ഇപ്പോഴും വാഹനങ്ങള് കുടുങ്ങിക്കിടക്കുകയാണ്.കെഎസ്ആര്ടിസി താമരശേരി ഗാരേജില്നിന്ന് മെക്കാനിക്കുകള് എത്തി ബസ് നീക്കം ചെയ്യാനുള്ള ശ്രമം തുടങ്ങിയിട്ടുണ്ട്. പോലീസ് സ്ഥലത്തെത്തിയിട്ടുണ്ട്. അവധി ദിവസങ്ങളായതിനാൽ നിരവധി യാത്രക്കാരണ് ഇന്ന് ചുരം മാർഗം യാത്രക്കെത്തിയത്. കഴിഞ്ഞ ദിവസമാണ് വലിയ സജീകരണങ്ങളോടെ ഏറെക്കാലമായി അടിവാരത്ത് തടഞ്ഞിട്ടിരുന്ന കൂറ്റന് യന്ത്ര ഭാഗങ്ങള് ചുരത്തിലൂടെ കടത്തിവിട്ടത്.
ആംബുലന്സ് ഒഴികെയുള്ള വാഹനങ്ങളെ കടത്തിവിടാതെ ഗതാഗതം കര്ശനമായി നിയന്ത്രിച്ച ശേഷമായിരുന്നു ഇത്. വാഴാഴ്ച രാത്രി 11 മണിയോടെയാണ് രണ്ട് ട്രെയ്ലറുകളും അടിവാരത്ത് നിന്നും യാത്രയാരംഭിച്ചത്. ഒന്നാം വളവ് കയറുന്നതിനിടെ വലിയ യന്ത്ര ഭാഗങ്ങൾ വഹിച്ച ട്രെയ്ലർ രണ്ട് ഇടങ്ങളിൽ നിന്നു പോയിരുന്നു.
പിന്നീട് യാത്ര തുടർന്ന ട്രെയ്ലറുകൾ വെള്ളിയാഴ്ച പുലർച്ചെ 12.20ന് നാലാം വളവ് പിന്നിട്ടു. 1.10ഓടെ എട്ടാം വളവ് കയറി. ട്രെയ്ലറുകൾ ചുരം കയറുന്നത് കാണാൻ വൻ ജനക്കൂട്ടമെത്തിയിരുന്നു.
