ന്യൂഡല്ഹി : ലോകത്തിലെ ഏറ്റവും വലിയ റെയില്വേ ശൃംഖലകളില് ഒന്നാണ് ഇന്ഡ്യന് റെയില്വേ. പ്രതിദിനം കോടിക്കണക്കിന് ആളുകളാണ് യാത്ര ചെയ്യുന്നത്. യാത്രക്കാര്ക്ക് മികച്ച സൗകര്യങ്ങള് ഒരുക്കുന്നതിനായി സമയാസമയങ്ങളില് റെയില്വേ നിയമങ്ങളില് മാറ്റം വരുത്തുന്നതിനാല് യാത്രാവേളയില് അത് ഏറെ സഹായകരമാവുന്നു. അതിനിടെ ട്രെയിനുകളിലെ കോചുകളില് ഡിജിറ്റല് ഡിസ്പ്ലേ ബോര്ഡുകള് സ്ഥാപിക്കാന് റെയില്വേ ഒരുങ്ങുകയാണ്.
ഇതോടെ യാത്രക്കാര്ക്ക് ഏറെ പ്രയോജനം ലഭിക്കും. യാത്രയ്ക്കിടെ ട്രെയിന് എവിടെ എത്തി, അടുത്തതായി ഏത് സ്റ്റേഷനാണ്, എന്നിങ്ങനെയുള്ള കാര്യങ്ങള് അറിയാനാവും. കൂടാതെ യാത്രക്കാര്ക്ക് ട്രെയിനിന്റെ തത്സമയ സ്റ്റാറ്റസ് ട്രാക് ചെയ്യാന് കഴിയും. ഒപ്പം തന്നെ ഡിസ്പ്ലേ ബോര്ഡില്, സാമൂഹിക വിരുദ്ധരില് നിന്നുള്ള സംരക്ഷണം സംബന്ധിച്ച് മുന്നറിയിപ്പുകളും നല്കും.
പുതിയ വന്ദേ ഭാരത്, തേജസ്, ഹംസഫര്, എസി, ഇകോണമി, ഇഎംയു, മെമു ട്രെയിനുകളുടെ കോചുകളില് ഡിജിറ്റല് ഡിസ്പ്ലേ ബോര്ഡുകള് സ്ഥാപിക്കാനാണ് റെയില്വേ പദ്ധതിയിടുന്നതെന്ന് അമര് ഉജാല റിപോര്ട് ചെയ്തു. ഏറ്റവും പ്രധാനപ്പെട്ട കാര്യം ഇത് ജിപിഎസ് സംവിധാനവുമായി ബന്ധിപ്പിക്കും എന്നതാണ്. ഈ സൗകര്യം നിലവില് വന്നതിന് ശേഷം, റെയില്വേയുടെ തത്സമയ റണിംഗ് സ്റ്റാറ്റസ് കാണുന്നതിന് യാത്രക്കാര്ക്ക് മൊബൈല് ഫോണ് ആപ് വീണ്ടും വീണ്ടും തുറക്കേണ്ടതില്ല. ട്രെയിനില് സ്ഥാപിച്ചിട്ടുള്ള ഡിജിറ്റല് ഡിസ്പ്ലേ ബോര്ഡില് നിന്ന് യാത്രക്കാര്ക്ക് അപ്ഡേറ്റുകള് ലഭിക്കും.
