മാവേലിക്കര: നിയന്ത്രണംവിട്ട സ്കൂട്ടര് സൈന് ബോര്ഡിലും തുടര്ന്ന് മതിലിലും ഇടിച്ച് രണ്ടുപേര് മരിച്ചു. ഇരേഴ വടക്കുകാട്ടില് കിഴക്കതില് രാജേഷ് (50), ഇരേഴ വടക്ക് ശ്രീശൈലത്തില് അമ്പിക്കുട്ടന്(47) എന്നിവരാണ് മരിച്ചത്. ഇന്ന് രാവിലെ 7.30 ഓടെയായിരുന്നു അപകടം. തട്ടാരമ്പലം ഭാഗത്തു നിന്ന് വലിയപെരുംപുഴയിലേക്ക് പോകുകയായിരുന്ന സ്കൂട്ടര് ഭീമന് ആല്ത്തറയ്ക്ക് വടക്ക് ഭാഗത്തുവച്ച് നിയന്ത്രണം വിട്ട് മതിലില് ഇടിക്കുകയായിരുന്നു. സ്കൂട്ടറിലുണ്ടായിരുന്ന രണ്ടുപേരും സംഭവസ്ഥലത്ത് വെച്ച് തന്നെ മരിച്ചു. മാവേലിക്കര പോലീസ് സ്ഥലത്തെത്തി മേല് നടപടികള് സ്വീകരിച്ചു. മൃതദേഹം പോസ്റ്റ്മോര്ട്ടം നടപടികള്ക്കായി ആശുപത്രി മോര്ച്ചറിയിലേക്ക് മാറ്റി.
