മല്ലപ്പുഴശ്ശേരി : ദേശീയ അസംഘടിത തൊഴിലാളി കോൺഗ്രസ് ആറന്മുള നിയോജക മണ്ഡലം കൺവെൻഷൻ ആറന്മുള മുൻ എം എൽ എ യും ഇന്ത്യൻ നാഷണൽ കോൺഗ്രസിന്റെ മുതിർന്ന നേതാവുമായ അഡ്വ കെ ശിവദാസൻ നായർ ഉദ്ഘാടനം ചെയ്തു. നിയോജക മണ്ഡലം പ്രസിഡന്റ് ജിതിൻ രാജ് അധ്യക്ഷത വഹിച്ചു. യോഗത്തിൽ ജില്ലാ പ്രസിഡന്റ് നഹാസ് പത്തനംതിട്ടയ്ക്ക് സ്വീകരണം നൽകി.
UWEU ജില്ലാ വൈസ് പ്രസിഡന്റ് രാജു നെടുവേലിമണ്ണിൽ, ജനറൽ സെക്രട്ടറി ബിജോയ് ടി മാർക്കോസ്, പത്തനംതിട്ട ബ്ലോക്ക് സെക്രട്ടറി ബിനോജ് തെന്നാടൻ, ഡിസിസി അംഗം ജേക്കബ് ശാമുവേൽ, ടെറിൻ ജോർജ്, ജിബിൻ ചിറക്കടവിൽ എന്നിവർ പ്രസംഗിച്ചു. എല്ലാ പഞ്ചായത്തുകളിലും ഇ ശ്രമം കാർഡ് വിതരണ ക്യാമ്പ് സംഘടിപ്പിക്കാൻ യോഗം തീരുമാനിച്ചു.
ജില്ലാ , അസംബ്ലി, മണ്ഡലം ഭാരവാഹികളെ ജില്ലാ പ്രസിഡന്റ് നഹാസ് പത്തനംതിട്ട അനുമോദിച്ചു. ഡിസംബർ 13 ന് നടക്കുന്ന സെക്രട്ടേറിയറ്റ് മാർച്ചിൽ 100 പ്രവർത്തകരെ പങ്കെടുപ്പിക്കാൻ യോഗം തീരുമാനിച്ചു.
ശ്രീ കെ കെ ഗംഗാധരൻ നന്ദി അറിയിച്ചു.