ന്യൂഡല്ഹി : ഉത്തര്പ്രദേശില് നിയമസഭയിലേക്കുള്ള ഒന്നാംഘട്ടം വോട്ടെടുപ്പ് ആരംഭിച്ചു. പടിഞ്ഞാറന് യുപിയില് ഉള്പ്പെടുന്ന 11 ജില്ലയിലായി 58 മണ്ഡലമാണ് ഒന്നാം ഘട്ടത്തില്. 625 സ്ഥാനാര്ഥികളാണ് ഒന്നാം ഘട്ടത്തില് മത്സര രംഗത്തുള്ളത്. വോട്ടര്മാര് 2.27 കോടിയും. രാവിലെ 7 മുതല് വൈകിട്ട് ആറ് വരെയാണ് വോട്ടെടുപ്പ്. ഫെബ്രുവരി 10, 14, 20, 23, 27, മാര്ച്ച് 3, 7 എന്നിങ്ങനെ ഏഴ് ഘട്ടങ്ങളിലായാണ് വോട്ടെുപ്പ് നടക്കുന്നത്. ജാട്ട് ഭൂമിയെന്നും കരിമ്പുകൃഷിയുടെ കേന്ദ്രമെന്നും വിശേഷിക്കപ്പെടുന്ന ബാഗ്പത്, മുസഫര്നഗര്, ഷാംലി, ബിജ്നോര്, മീററ്റ്, അലിഗഢ്, മഥുര, ബുലന്ദ്ഷഹര്, ഹാപുര്, ഗൗതം ബുദ്ധനഗര്, ഗാസിയാബാദ് എന്നീ ജില്ലകളിലായാണ് വോട്ടെടുപ്പ്. 2017 നിയമസഭാ തെരഞ്ഞെടുപ്പില് 58 സീറ്റില് 53ഉം ബിജെപി നേടി. രണ്ടു സീറ്റില്വീതം എസ്പിയും ബിഎസ്പിയും ഒരു സീറ്റില് ആര്എല്ഡിയും ജയിച്ചു. ഒമ്പത് മന്ത്രിമാര് ആദ്യഘട്ടത്തില് ജനവിധി തേടുന്നു.
ഉത്തര്പ്രദേശില് നിയമസഭയിലേക്കുള്ള ഒന്നാംഘട്ടം വോട്ടെടുപ്പ് ആരംഭിച്ചു
RECENT NEWS
Advertisment