വാഷിങ്ടന്: യുഎസില് കാണാതായ മലയാളി വിദ്യാര്ത്ഥിനിയെ ക്യാംപസിനകത്തെ തടാകത്തില് മരിച്ച നിലയില് കണ്ടെത്തി. എറണാകുളം സ്വദേശിനിയായ ആന് റോസ് ജെറി(21) എന്ന വിദ്യാര്ത്ഥിനിയുടെ മൃതദേഹമാണ് കണ്ടെത്തിയത്. ഈ കഴിഞ്ഞ 11നാണ് വിദ്യാര്ത്ഥിനിയെ കാണാതായത്. ക്യാംപസിലെ തടാകത്തില് കണ്ടെത്തിയ മൃതശരീരം ആന് റോസിന്റെതാണെന്ന് സര്വകലാശാല പ്രസിഡന്റ് റവ. ജോണ് വാര്ത്താക്കുറിപ്പിലൂടെ അറിയിച്ചു. യുഎസിലെ ഇന്ഡ്യാനയിലെ നോട്ടര്ഡാം സര്വകലാശാലയിലെ വിദ്യാര്ത്ഥിനിയാണ് ആന് റോസ്. വിദ്യാര്ത്ഥിനിയെ കാണാതായതിനെ തുടര്ന്ന് അന്വേഷണം പുരോഗമിക്കവെയാണ് മൃതദേഹം കണ്ടെടുത്തത്. സംഭവത്തില് പോലീസ് അന്വേഷണം തുടങ്ങി.
