ഉഴവൂര് : ഉഴവൂര് കെ.ആര് നാരായണന് മെമ്മോറിയല് സ്പെഷ്യാലിറ്റി ആശുപത്രിക്കായി വാങ്ങിയ ആംബുലന്സിന്റെ ഫ്ലാഗ് ഓഫ് കര്മ്മം ഉഴവൂര് കെ.ആര് നാരായണന് മെമ്മോറിയല് സ്പെഷ്യാലിറ്റി ആശുപത്രിക്കായി കോട്ടയം ജില്ലാ പഞ്ചായത്തും, ഉഴവൂര് ബ്ലാക്ക് പഞ്ചായത്തും സംയുക്തമായി വാങ്ങിയ ആംബുലന്സിന്റെ ഫ്ലാഗ് ഓഫ് കര്മ്മം ജില്ലാ പഞ്ചായത്ത് പ്രസിഡന്റ് നിര്മ്മല ജിമ്മി നിര്വഹിച്ചു. ഉഴവൂര് ആശുപത്രിക്ക് സ്ഥിരമായ ഒരാംബുലന്സ് എന്ന ഉഴവൂര് പ്രദേശവാസികളുടെ ചിരകാല അഭിലാഷം ഇന്ന് പൂവണിഞ്ഞു.
താക്കോല് കൈമാറ്റം ഉഴവൂര് ബ്ലോക്ക് പഞ്ചായത്ത് പ്രസിഡന്റ് ബൈജു ജോണ് പുതിയിടത്തു ചാലില് നിര്വഹിച്ചു. ജില്ലാ പഞ്ചായത്ത് മെമ്പര് പി.എം മാത്യു, ബ്ലോക്ക് പഞ്ചായത്ത് വൈസ് പ്രസിഡന്റ് സിന്ധു മോള് ജേക്കബ്, ബ്ലോക്ക് മെമ്പര്മാരായ ജോണ്സണ് പുളിക്കിയില്, പി.സി കുര്യന്, കൊച്ചുറാണി സെബാസ്റ്റ്യന്, സിന്സി മാത്യു, രാജു ജോണ് ചിറ്റേത്ത്, ജീന സിറിയക്, സ്മിത അലക്സ്, പഞ്ചായത്ത് പ്രസിഡന്റ് ജോണിസ് പി സ്റ്റീഫന്, ഗ്രാമപഞ്ചായത്തംഗം വി.സി സിറിയക് എന്നിവര് പങ്കെടുത്തു.
