തിരുവനന്തപുരം: പിണറായി സര്ക്കാരിന് ജനം മാര്ക്കിട്ടാല്കിട്ടുക ആനമുട്ടയായിരിക്കുമെന്ന് കേന്ദ്ര വിദേശകാര്യ സഹമന്ത്രി വി.മുരളീധരന്. സ്വയം പ്രോഗ്രസ് കാര്ഡ് തയ്യാറാക്കി സ്വയം മാര്ക്കിട്ട് അവതരിപ്പിക്കുകയാണ് മുഖ്യമന്ത്രി പിണറായി വിജയന്. തൊഴിലാളികളെ വഞ്ചിക്കുന്ന രാഷ്ട്രീയ ലാഭത്തിനുള്ള ഉപകരണങ്ങളായി മാത്രം അവരെ കാണുന്നവരാണ് കമ്യൂണിസ്റ്റ് സര്ക്കാരെന്നും അദ്ദേഹം കുറ്റപ്പെടുത്തി.
ഇടതുപക്ഷക്കാരായ തൊഴിലാളി യൂണിയനുകള് ഇതിന് ഇടനിലക്കാരാവുകയാണെന്നും വി. മുരളീധരന് പറഞ്ഞു. ബിഎംഎസ് സംസ്ഥാന വനിതാ തൊഴിലാളി സംഗമ വേദിയില് സംസാരിക്കുകയായിരുന്നു അദ്ദേഹം. സാമൂഹ്യ ക്ഷേമ പെന്ഷന് തുക 11600 രൂപയാണെന്നു തെറ്റിദ്ധരിപ്പിച്ച് സര്ക്കാര് സംസ്ഥാനത്തിനു പുറത്തു പരസ്യം നല്കിയെന്നും മുരളീധരന് ആരോപിച്ചു. സംസ്ഥാനത്ത് ഇങ്ങനെ പരസ്യം നല്കിയാല് മുഖ്യമന്ത്രിക്കും മന്ത്രിമാര്ക്കും പുറത്തിറങ്ങി നടക്കാന് കഴിയില്ല. അതിനാല് ഇവിടെ നല്കിയത് 1600 എന്ന് തന്നെയാണെന്നും മുരളീധരന് പറഞ്ഞു.