തിരുവനന്തപുരം : എല്ലാവിധ അധ്യാപകരെയും നന്മുടെ കുടക്കീഴില്‍ കൊണ്ടുവരാന്‍ ആയോ എന്ന് സംഘടന പരിശോധിക്കണം എന്നും പാഠ്യപദ്ധതി പരിഷ്കരണത്തില്‍ നിരവധി വ്യാജ പ്രചരണം നടക്കുന്നു എന്നുംവിദ്യാഭ്യാസ മന്ത്രി വി.ശിവന്‍കുട്ടി. കെ.എസ്.ടി.എ ദ്വിദിന ശില്പശാലയില്‍ സംസാരിക്കുകയായിരുന്നു മന്ത്രി വി.ശിവന്‍കുട്ടി.
ആണ്‍കുട്ടിയെയും പെണ്‍കുട്ടിയെയും ഒന്നിച്ച്‌ ഇരുത്തി പഠിപ്പിക്കണമെന്ന് സര്‍ക്കാര്‍ പറഞ്ഞിട്ടില്ല എന്നും തെറ്റിദ്ധാരണ പരത്താന്‍ ബോധപൂര്‍വമായ ശ്രമം നടക്കുന്നുണ്ട് എന്നും മന്ത്രി പറഞ്ഞു. അതോടൊപ്പം വ്യാജരേഖകള്‍ ചിലര്‍ സോഷ്യല്‍ മീഡിയയില്‍ പ്രചരിപ്പിക്കുന്നു. യു ഡി എഫ് സംഘടനകള്‍ ഇതില്‍ രാഷ്ട്രീയ മുതലെടുപ്പിന് ശ്രമിക്കുന്നു എന്നും അദ്ദേഹം പറഞ്ഞു .സ്കൂളുകളിലെ അധ്യാപക വിദ്യാര്‍ഥി അനുപാതം 1:40 എന്ന് ആണെന്നും ഇത് നടപ്പിലാക്കാനുള്ള ക്രമീകരണങ്ങളിലാണ് സര്‍ക്കാരെന്നും മന്ത്രി പറഞ്ഞു.
