റാന്നി : അത്തിക്കയം റാന്നി റോഡിൽ കക്കുടുമണ്ണിൽ തുടർച്ചയായി വാഹന അപകടം. ഉന്നത നിലവാരത്തിൽ റോഡ് പണി പൂർത്തീകരിച്ച ശേഷം കൊടും വളവുകളിൽ പോലും വേണ്ടത്ര സുരക്ഷാ മാനദണ്ഡങ്ങൾ ഇല്ലാത്ത കാരണമാണ് അപകടങ്ങൾ പതിവാകുന്നത്. കഴിഞ്ഞ ഒരു മാസത്തിനിടക്ക് രണ്ട് അപകടങ്ങളാണ് ഈ പ്രദേശത്തു ഉണ്ടായിരിക്കുന്നത്.
റോഡിന്റെ ഒരു വശം വലിയ കൊക്കയാണ് മരത്തിൽ തട്ടി വാഹനങ്ങൾ നിന്നതുകൊണ്ട് രണ്ടു തവണയും വൻ അപകടങ്ങൾ ഒഴിവായി. ഇന്നലെ രാത്രിയിൽ അത്തിക്കയം മടന്തമൺ സ്വദേശികളുടെ വാഹനം നിയന്ത്രണം വിട്ടു കക്കൂടുമൺ വിലയാട്ടുപാറ വളവിലെ കുഴിയിലേക്ക് മറിയുകയായിരുന്നു. അപകടത്തിൽ ആർക്കും സാരമായ പരിക്ക് ഇല്ലെങ്കിലും രക്ഷപെട്ടത് തലനാരിഴക്കാണ്.
