തിരുവനന്തപുരം : വെഞ്ഞാറമൂട്ടില് രണ്ട് ഡിവൈഎഫ്ഐ പ്രവര്ത്തകരെ വെട്ടി കൊന്ന സംഭവത്തിന് പിന്നില് ലോക്സഭാ തിരഞ്ഞെടുപ്പ് കൊട്ടിക്കലാശത്തില് തുടങ്ങിയ സംഘര്ഷമാണെന്ന് പോലീസ്. സംഭവവുമായി ബന്ധപ്പെട്ട് പോലീസ് കസ്റ്റഡിയില് എടുത്ത രണ്ട് പേര് മെയ് മാസത്തില് ഡിവൈഎഫ്ഐ പ്രവര്ത്തകനെ വധിക്കാന് ശ്രമിച്ച കേസിലെ പ്രതികളാണ്.
ഒരു മാസത്തിന് മുമ്പാണ് ഇവര് ജയിലില് നിന്നും പുറത്ത് ഇറങ്ങിയത്. കൊല്ലപ്പെട്ട ഡിവൈഎഫ്ഐ കലിങ്ങിന് മുഖം യൂണിറ്റ് പ്രസിഡന്റ് ഹഖ് മുഹമ്മദിനെയാണ് സംഘം ലക്ഷ്യം വെച്ചിരുന്നത്. അക്രമി സംഘത്തില് അഞ്ചില് അധികം പേര് ഉള്പ്പെട്ടിട്ടുണ്ടെന്നും പോലീസ് പറഞ്ഞു.
തേവലക്കാട് യൂണിറ്റ് സെക്രട്ടറി മിഥിലാജ് സംഭവസ്ഥലത്തു വച്ചു തന്നെ മരിച്ചിരുന്നു. പരുക്ക് പറ്റിയ ഹഖ് മുഹമ്മദ് സ്വകാര്യ മെഡിക്കല് കോളജിലാണ് മരിച്ചത്. യൂത്ത് കോണ്ഗ്രസ് പ്രവര്ത്തകരാണ് കൊലപ്പെടുത്തിയതെന്ന് സംഭവസമയത്ത് ഇരുവര്ക്കൊപ്പം ബൈക്കില് സഞ്ചരിച്ചിരുന്ന എസ്എഫ്ഐ തേമ്പാമുട് മേഖല സെക്രട്ടറി സഹിന് പോലീസിന് മൊഴി നല്കി. രാത്രി 11.30 ന് ഹഖ് മുഹമ്മദിനെ വീട്ടില് കൊണ്ടുവിടാന് പോയപ്പോഴാണ് ആക്രമിക്കപ്പെട്ടത്.
