പത്തനംതിട്ട : പ്രക്കാനം സന്തോഷ് സ്പോർട്സ് & ആർട്സ് ക്ലബ്ബിന്റെ ആഭിമുഖ്യത്തിൽ ഓഗസ്റ്റ് 12 മുതല് 15 വരെ ഇന്റർ ക്ലബ് വോളീബോൾ ടൂർണമെന്റ് നടത്തുന്നു. ചെന്നീര്ക്കര ഗ്രാമ പഞ്ചായത്തിന്റെ പ്രക്കാനത്തുള്ള ഫ്ലഡ് ലിറ്റ് സ്റ്റേഡിയത്തിലാണ് ടൂർണമെന്റ് നടക്കുക. ഇന്ന് കൂടിയ സംഘാടക സമിതി യോഗം പത്തനംതിട്ട ജില്ലാ വോളീബോൾ അസോസിയേഷൻ സെക്രട്ടറി കടമ്മനിട്ട കരുണാകരൻ ഉത്ഘാടനം ചെയ്തു. ടൂർണമെന്റിന്റെ വിജയകരമായ നടത്തിപ്പിനുവേണ്ടി 60 അംഗ കമ്മിറ്റിയെ തെരഞ്ഞെടുത്തു.
ക്ലബ്ബ് രക്ഷാധികാരി ജയിംസ് ഉഴുവത്ത് യോഗത്തില് അദ്ധ്യക്ഷത വഹിച്ചു. ക്ലബ്ബ് സെക്രട്ടറി അനിൽ ചൈത്രം, വാർഡ് മെമ്പർമാരായ കെ.കെ ശശി, ശ്രീകുമാർ കെ.ആർ., വിവിധ സംഘടനകളെ പ്രതിനിധീകരിച്ചു ജോസ് മാത്യു, റവ. ഫാദര് ബിജു മാത്യു, രവികുമാർ, പ്രസാദ് മാത്യു, അരവിന്ദാക്ഷൻ നായർ, ഷാജി പാലനിൽക്കുന്നതിൽ, പ്രദീപ് ദീപാ ഭവൻ, അനിൽകുമാർ വി.ഡി., പി. സി ഹരി, സുധീർ പി. എസ്, പി.സി. രാജീവ് എന്നിവര് പ്രസംഗിച്ചു.