ചെങ്ങന്നൂർ: വ്യാപാരികളുടെ ലൈസൻസ് ഫീസ് വർധന പിൻവലിക്കണമെന്നാവശ്യപ്പെട്ട് നഗരസഭ സെക്രട്ടറിയെ ബിജെപി.ഉപരോധിച്ചു. യാതൊരു മാനദണ്ഡവും പാലിക്കാതെയാണ് ലൈസന്സ് ഫീസ് വര്ദ്ധിപ്പിച്ചതെന്ന് ബി.ജെ.പി ആരോപിച്ചു. സത്യഗ്രഹ സമരം നടത്തുന്ന വ്യാപാരി സംഘടനകളെ ചർച്ചയ്ക്ക് വിളിച്ച് ആശങ്കകൾ പരിഹരിക്കണം. എത്രയുംവേഗം കൗൺസിൽകൂടി ഫീസ് വർധനവ് പിൻവലിക്കാൻ നഗരസഭ ചെയർമാൻ തയ്യാറാകണമെന്നും ബിജെപി ആവശ്യപ്പെട്ടു.
ബിജെപി നിയോജക മണ്ഡലം പ്രസിഡന്റ് സതീഷ് ചെറുവല്ലൂർ, യുവമോർച്ച സംസ്ഥാന വൈസ് പ്രസിഡന്റ് ശ്രീരാജ് ശ്രീവിലാസം, യുവമോർച്ച ജില്ല പ്രസിഡന്റ് പ്രമോദ് കാരയ്ക്കാട്, ബിജെപി സംസ്ഥാന സമിതിയംഗം എം.എ ഹരികുമാർ, മണ്ഡലം ജന:സെക്രട്ടറി സജു കുരുവിള, മനു കൃഷ്ണൻ, പ്രമോദ് കോടിയാട്ടുകര, സതീഷ് കൃഷ്ണൻ, മനോജ് കുമാർ, അനിൽ അമ്പാടി, കെ.സത്യപാൽ, അനിൽ ജോൺ എന്നിവർ സമര പരിപാടികള്ക്ക് നേതൃത്വം നൽകി. പോലീസ് എത്തി സമരക്കാരെ അറസ്റ്റ് ചെയ്ത് നീക്കി.
