റാന്നി : പമ്പാനദിയില് കുളിക്കാനിറങ്ങിയ വിദ്യാര്ത്ഥിയെ ഒഴുക്കില്പെട്ടു കാണാതായി. പ്ലാങ്കമണ് വട്ടമല സ്വദേശി ചെളിക്കുഴിയില് വിപിന് ബിജു(18) ആണ് ഒഴുക്കില്പെട്ടത്. ഇന്നു വൈകീട്ട് ആറോടെ ഇടപ്പാവൂര് പുത്തൂര് കടവിലായിരുന്നു സംഭവം. ബന്ധുക്കള്ക്കും സുഹൃത്തുക്കള്ക്കും ഒപ്പം കുളിക്കാനെത്തി ഒഴുക്കില്പെടുകയായിരുന്നു. പേരൂര്ച്ചാല് പാലത്തിനു സമീപം ഇരുചക്ര വാഹനങ്ങൾ വെച്ച ശേഷം നദി കരയിലൂടെ നടന്നെത്തി പുത്തൂര് കടവില് കുളിക്കാനിറങ്ങുകയായിരുന്നു. റാന്നിയില് നിന്നും അഗ്നിശമന സേനയും കോയിപ്രം പോലീസും സ്ഥലത്തെത്തി തെരച്ചില് ആരംഭിച്ചു.
