തിരുവനന്തപുരം : ബംഗാള് ഉള്ക്കടലിലെ ന്യൂനമര്ദ്ദം കൂടുതല് ശക്തി പ്രാപിച്ചു. അടുത്ത 48 മണിക്കൂറിനുള്ളില് ഇത് തീവ്ര ന്യൂനമര്ദ്ദമായി മാറാന് സാധ്യതയുണ്ട്. വടക്കന് കേരളത്തില് മഴ തുടരും. മലയോര മേഖലകളില് മഴ ശക്തമാകാന് സാധ്യതയുണ്ട്. ന്യൂനമര്ദ്ദം ശക്തിപ്രാപിച്ചതിനാല് കേരള തീരത്ത് മത്സ്യബന്ധനം നിരോധിച്ചു.
കോട്ടയം, ഇടുക്കി, തൃശൂര്, പാലക്കാട്, കോഴിക്കോട്, വയനാട്, കണ്ണൂര്, കാസര്കോട് ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്. ഈ ജില്ലകളില് ഒറ്റപ്പെട്ട കനത്ത മഴയ്ക്ക് സാധ്യതയുണ്ട്. വടക്കുപടിഞ്ഞാറന് ബംഗാള് ഉള്ക്കടലിലെ ന്യൂനമര്ദത്തിന്റെ സ്വാധീനത്തില് വടക്കന് കേരളത്തില് കനത്ത മഴയുണ്ടാകും. തെക്കന് മഹാരാഷ്ട്ര തീരം മുതല് വടക്കന് കേരളതീരം വരെ നീളുന്ന ന്യൂനമര്ദ പാത്തിയും മധ്യ, കിഴക്കന് അറബിക്കടലിലെ ചക്രവാതച്ചുഴിയും മഴയെ സ്വാധീനിക്കാന് സാധ്യതയുണ്ട്.