കോന്നി ; കോന്നിയില് സാമൂഹ്യവിരുദ്ധ ശല്യം രൂക്ഷമാകുന്നു. കഴിഞ്ഞദിവസം രാത്രിയില് മോട്ടോര് വാഹനവകുപ്പ് ഓഫീസിനു സമീപത്തെ സ്ഥാപനത്തിന്റെ ബോര്ഡുകള് നശിപ്പിച്ചതാണ് ഏറ്റവും ഒടുവിലത്തെ സംഭവം. ഇത് സംബന്ധിച്ച് വെല്ഗേറ്റ് ഓട്ടോ കണ്സല്ട്ടന്സി ഉടമ രാജു കോന്നി പോലീസില് പരാതി നല്കി. സ്ഥാപനത്തിന്റെ അടുത്തുണ്ടായിരുന്ന ക്യാമറകള് കരുതിക്കൂട്ടി ഓഫ് ചെയ്തിട്ടാണ് ബോര്ഡുകള് നശിപ്പിച്ചത്. അതിനാല് ദൃശ്യങ്ങള് ലഭ്യമായിട്ടില്ല. എന്നാല് സമീപത്തുള്ള സ്ഥാപനങ്ങളുടെ ക്യാമറകള് ഓഫ് ചെയ്തതില് ദുരൂഹതയുണ്ടെന്ന് രാജു പറയുന്നു.
