കൊല്ലം : നടുറോഡിൽ ഭാര്യയെ ഭർത്താവ് വെട്ടി കൊലപ്പെടുത്താൻ ശ്രമിച്ചു. കൊല്ലം-ചെങ്കോട്ട ദേശീയപാതയിൽ കേരളപുരം ജംഗ്ഷനിൽ ഇന്നലെ രാത്രി 7.30 ഓടെയാണ് സംഭവം. പുനുക്കന്നൂർ ചിറയടി നീതു ഭവനത്തിൽ നീതുവിനാണ് വെട്ടേറ്റത്. സംഭവുമായി ബന്ധപ്പെട്ട് നീതുവിന്റെ ഭർത്താവ് അന്തപ്പൻ എന്ന വിക്രമനെ നാട്ടുകാർ പിടികൂടി കുണ്ടറ പോലീസിന് കൈമാറി.
നീതുവിനും വിക്രമനും രണ്ട് കുട്ടികളുണ്ട്. കുട്ടികളെ ഉപേക്ഷിച്ച് ഒന്നരവർഷം മുമ്പ് നീതു ഒരു ഓട്ടോഡ്രൈവറോടൊപ്പം ഒളിച്ചോടിയിരുന്നു. ഇതിനുശേഷം പലതവണ നീതുവിനെ സ്വീകരിക്കാൻ തയ്യാറാണെന്ന് വിക്രമൻ അറിയിച്ചെങ്കിലും നീതു വഴങ്ങിയില്ല. പഞ്ചായത്ത് മെമ്പർ ഉൾപ്പെടെയുള്ളവർ ഇടപെട്ടെങ്കിലും ഇപ്പോഴും ഓട്ടോ ഡ്രൈവർക്കൊപ്പമാണ് നീതു കഴിയുന്നത്. ഇതിലുള്ള വിരോധമാണ് ആക്രമണത്തിന് കാരണമെന്നാണ് പോലീസ് സംശയിക്കുന്നത്.
