തെഹ്റാന്: ഇറാന്-യുഎസ് കരാറില് അന്തിമ തീരുമാനമുണ്ടാകുന്നത് വരെ ആണവ പദ്ധതികള് നിലനിര്ത്തുമെന്ന് അറിയിച്ച് ഇറാന്.ഇറാനിലെ ആണവ കേന്ദ്രങ്ങള് പരിശോധിക്കാന് അന്താരാഷ്ട്ര ആണവോര്ജ്ജ ഏജന്സിയെ ക്ഷണിച്ചുവെന്ന റിപ്പോര്ട്ടുകള് തള്ളി ഇറാന് വിദേശകാര്യമന്ത്രാലയം രംഗത്തെത്തിയത്. ഇറാന് വിദേശകാര്യ വക്താവ് ഇസ്മായില് ബഗായ് ആണ് ഇതു സംബന്ധിച്ച റിപ്പോര്ട്ടുകള് തള്ളിയത്.
യുഎസുമായുള്ള ധാരണാപത്രത്തില് പരാമര്ശിക്കുന്നത് പോലെ അന്തിമ കരാറില് ഏര്പ്പെടുന്നത് വരെ ഇറാന് തങ്ങളുടെ ആണവ പദ്ധതി നിലവിലെ സ്ഥിതി നിലനിര്ത്തുമെന്ന് വിദേശകാര്യമന്ത്രാലയം വ്യക്തമാക്കി. അന്താരാഷ്ട്ര ആണവോര്ജ്ജ ഏജന്സിയുടെ പ്രവേശനം താല്ക്കാലികമായി നിര്ത്തിവച്ച മറ്റ് സൗകര്യങ്ങളുടെ പരിശോധനകളും തുടരുമെന്നും ഇറാന് അറിയിച്ചു.
