റാന്നി : ഒറ്റയ്ക്കു താമസിച്ചു വന്ന യുവതിയെയും കുഞ്ഞിനെയും ദുരൂഹ സാഹചര്യത്തില് തീപൊള്ളലേറ്റു മരിച്ച നിലയില് കണ്ടെത്തി. ഐത്തല മങ്കുഴിമുക്ക് മീന്മുട്ടുപാറ ചുവന്നപ്ലാക്കല് തടത്തില് സജു ചെറിയാന്റെ ഭാര്യ റിന്സ(21), മകള് അല്ഹാന അന്ന (ഒന്നര) എന്നിവരാണ് മരിച്ചത്. ഇന്ന് വൈകീട്ട് ആറേകാലോടാണ് നാടിനെ നടുക്കിയ സംഭവം പുറം ലോകമറിയുന്നത്.
കുടുംബ വീടിനു സമീപം ഒറ്റയ്ക്കു താമസിക്കുന്ന യുവതിയും കുഞ്ഞും ഇന്നു പകല് വീടിനു വെളിയിലേക്കു കാണാതെ വന്നതോടെ ബന്ധുക്കള് നടത്തിയ പരിശോധനയിലാണ് തീപ്പൊള്ളലേറ്റ നിലയില് രണ്ടു പേരേയും കണ്ടത്. യുവതിയുടെ ഭര്ത്താവ് സജു ചെറിയാന് വിദേശത്താണ്. റാന്നി പോലീസ് സ്ഥലത്തെത്തി മൃതദേഹങ്ങള് മോര്ച്ചറിയിലേക്കു മാറ്റി. നാളെ കൂടുതല് തെളിവെടുപ്പുകള്ക്കു ശേഷമെ മരണത്തിലെ ദുരൂഹത അകറ്റാനാകുവെന്ന് പോലീസ് അറിയിച്ചു.
