പത്തനംതിട്ട: പ്രവാസി സംസ്കൃതി അസോസിയേഷന്റെ 2025 ലെ മഹാകവി വെണ്ണിക്കുളം ഗോപാലക്കുറുപ്പ് സ്മാരക പുരസ്കാരം എഴുത്തുകാരൻ അമലിന്റെ സാംസ – സാംസ്കാരിക സർവ്വാധിപതി എന്ന നോവലിന് ലഭിച്ചു. മെയ് ഇരുപത്തിമൂന്നാം തീയതി ശനിയാഴ്ച രാവിലെ 10.30 മണിക്ക് പത്തനംതിട്ട കാതോലിക്കേറ്റ് ഹയർ സെക്കൻഡറി സ്കൂളിൽ നടക്കുന്ന ചടങ്ങിൽ വെച്ച് പുരസ്കാരം സമ്മാനിക്കും. തുരുത്തിക്കാട് ബി.എ.എം. കോളേജ് മുൻ പ്രിൻസിപ്പാൾ ഡോ.ജോസ് പാറക്കടവിൽ, ചങ്ങനാശ്ശേരി എൻ.എസ്.എസ്.കോളേജ് പ്രൊഫസർ ബി.രവികുമാർ, മുതിർന്ന മാധ്യമ പ്രവർത്തകൻ ഏബ്രഹാം തടിയൂർ, എന്നിവർ അടങ്ങിയ ജൂറിയാണ് പുരസ്കാര ജേതാവിനെ തിരഞ്ഞെടുത്തത്.
സാഹിത്യകാരനും നോവലിസ്റ്റും ആയ അമൽ തിരുവനന്തപുരം ജില്ലയിലെ പിരപ്പൻകോട് സ്വദേശിയാണ്. കേന്ദ്ര സാഹിത്യ അക്കാദമി യുവ പുരസ്കാരം, ബഷീർ യുവ പ്രതിഭാ പുരസ്കാരം, സിദ്ധാർത്ഥ പുരസ്കാരം, കേരള സാഹിത്യ അക്കാദമി പുരസ്കാരം തുടങ്ങി നിരവധി അവാർഡുകളും അമലിന് ലഭിച്ചിട്ടുണ്ട്.
—
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
