ആലങ്ങാട്: ഹല്വ ശ്വാസനാളത്തില് കുടുങ്ങി മാഞ്ഞാലി താമരമുക്ക് ചെറുപ്പുള്ളിപറമ്പ് വീട്ടില് നിസാര് (49) മരിച്ചു. ബുധനാഴ്ച രാവിലെയായിരുന്നു സംഭവം. കൂലിപ്പണിക്കാരനായ നിസാര് രാവിലെ തെക്കേത്താഴം കവലയിലെ ബേക്കറിയില്നിന്ന് ഹല്വ വാങ്ങി കഴിക്കവേ അസ്വസ്ഥത പ്രകടിപ്പിച്ച് കുഴഞ്ഞുവീഴുകയായിരുന്നു. ഉടന് നാട്ടുകാര് ചാലാക്ക മെഡിക്കല് കോളേജില് എത്തിച്ചെങ്കിലും മരിച്ചു. പോസ്റ്റുമോര്ട്ടത്തിനു ശേഷം മൃതദേഹം മാഞ്ഞാലി ജുമാ മസ്ജിദില് കബറടക്കി. ഭാര്യ: റംല. മക്കള്: നിലോഫര്, ജനീഫര്.
