ആറ്റിങ്ങല്: ഓട്ടോറിക്ഷ മറിഞ്ഞുണ്ടായ അപകടത്തില് യുവാവിന് ദാരുണാന്ത്യം. ആറ്റിങ്ങല് മാമം ജിവിആര്എം യു പി സ്കൂളിന് സമീപം പുലിയൂര്ക്കോണം ചരുവിള വീട്ടില് രഞ്ജിത്ത് (30) ആണ് മരിച്ചത്. കഴിഞ്ഞ ദിവസം ഉച്ചയ്ക്ക് രണ്ടിന് കല്ലുവാതുക്കല് മേവനകോണത്ത് ആണ് അപകടമുണ്ടായത്. 2016 ഡിസംബറില് ശബരിമല ദര്ശനത്തിന്റെ ഭാഗമായ യാത്രയില് പത്തനംതിട്ടയില് വെച്ച് വാഹനാപകടത്തില്പ്പെട്ട രഞ്ജിത്ത് മൂന്ന് മാസത്തോളം ചികിത്സയിലായിരുന്നു. കഴിഞ്ഞ 11നായിരുന്നു രഞ്ജിത്തിന്റെ വിവാഹനിശ്ചയം നടന്നത്. മാതാവ് രമ, സഹോദരന് സജിത്ത്. മൃതദേഹം പോസ്റ്റ്മോര്ട്ടത്തിന് ശേഷം സംസ്കരിച്ചു.
