ഓയൂർ : പ്രായപൂർത്തിയാകാത്ത കുട്ടികളെ ഉപേക്ഷിച്ച് നാടുവിട്ട കമിതാക്കളെ പൂയപ്പള്ളി പോലീസ് അറസ്റ്റ് ചെയ്തു. ചെറിയവെളിനല്ലൂർ, മേലേ കൊച്ചുപുത്തൻവീട്ടിൽ ജിതിൻ (33), അയൽവാസി സുധീന (36) എന്നിവരാണ് അറസ്റ്റിലായത്. വിവാഹിതനും ഒരുകുട്ടിയുടെ പിതാവുമായ ജിതിൻ രണ്ടുകുട്ടികളുടെ മാതാവായ സുധീനയുമായി ഏറെനാളായി പ്രണയത്തിലായിരുന്നു.
രണ്ടുതവണ ഇരുവർക്കുമെതിരേ ബന്ധുക്കൾ പോലീസിൽ പരാതി നൽകിയിരുന്നു. സുധീനയുടെ ഭർത്താവിന്റെ പരാതിയുടെ അടിസ്ഥാനത്തിൽ പോലീസ് കേസെടുത്ത് അന്വേഷണം നടത്തുന്നതിനിടെ ഇരുവരെയും ശനിയാഴ്ച കൊല്ലം റെയിൽവേ സ്റ്റേഷനിൽനിന്നു പിടികൂടുകയായിരുന്നു. ജുവനൈൽ ആക്ട് പ്രകാരം കേസെടുത്ത് ഇരുവരെയും കോടതിയിൽ ഹാജരാക്കി റിമാൻഡ് ചെയ്തു.
