ബംഗളൂരു : മകളുടെയും ഭാര്യയുടെയും ശരീരത്തിലേക്ക് തിളച്ച എണ്ണ ഒഴിച്ച് യുവാവിന്റെ ക്രൂരത. ജനുവരി 31 ന് പുലര്ച്ചെ തെക്കുകിഴക്കന് ബംഗളൂരുവിലെ അഡുഗോഡിന് സമീപം എല് ആര് നഗറിലാണ് സംഭവം. തോമസ് എന്ന 38 കാരനാണ് ഭാര്യയായ അന്തോണിയമ്മയേയും 13 വയസുകാരിയായ മകളേയും ആക്രമിച്ചത്. ഇയാള് ഭാര്യയെ ക്രൂരമായി ആക്രമിക്കുകയും ബോധരഹിതയായപ്പോള് ശരീരത്തിലേക്ക് തിളച്ച എണ്ണ ഒഴിക്കുകയും ചെയ്തു. അമ്മയെ ആക്രമണത്തില് നിന്ന് രക്ഷിക്കാന് ശ്രമിക്കുന്നതിന് ഇടയില് 13 വയസുകാരിയുടെ ശരീരത്തിലും തോമസ് തിളച്ച എണ്ണ ഒഴിക്കുകയായിരുന്നു. അമ്മയെ കൊലപ്പെടുത്താന് പോകുന്നു എന്ന് ഇയാള് കുട്ടിയോട് പറഞ്ഞതായും റിപ്പോര്ട്ട് ഉണ്ട്. ഇരുവരുടെയും നിലവിളിയെ തുടര്ന്നാണ് സമീപവാസികള് വിവരം അറിയുന്നത്. ആളുകള് വീട്ടിലേക്ക് എത്തിയതിനെ തുടര്ന്ന് യുവാവ് രക്ഷപ്പെട്ടു.
