തിരുവനന്തപുരം: വോള്വോ ബസില് 22 ലക്ഷം രൂപ കടത്തിയ യുവാവ് പിടിയില്. പാറശ്ശാല കൊറ്റാമത്ത് ബസില് രേഖകളില്ലാതെ കടത്തിക്കൊണ്ടുവന്ന 22 ലക്ഷം രൂപയുമായി തമിഴ്നാട് സ്വദേശിയാണ് പിടിയിലായത്. തമിഴ്നാട് രാമനാഥപുരം ജില്ലയില് മുതുകുളത്തൂര് താലൂക്കില് കണ്ണെത്താന് വില്ലേജില് മണലൂര് മേല കണ്ണിശേരി 2/180 നമ്പര് വീട്ടില് രാജ പ്രവീണ്കുമാര് (24) ആണ് എക്സൈസിന്റെ പിടിയിലായത്.
കൊറ്റാമത്ത് അമരവിള എക്സൈസ് റെയിഞ്ച് നടത്തിയ വാഹന പരിശോധനയിലാണ് യുവാവ് കുടുങ്ങിയത്. ചെന്നൈയില്നിന്ന് തിരുവനന്തപുരത്തേക്ക് വന്ന വോള്വോ ബസില യാത്രക്കാരനായിരുന്നു ഇയാളെന്ന് എക്സൈസ് പറഞ്ഞു. പ്രവീണ്കുമാറിന്റെ പക്കലുണ്ടായിരുന്ന ബാഗില്നിന്നും 22 ലക്ഷം രൂപയുടെ അഞ്ഞൂറിന്റെ നോട്ടുകളാണ് പിടികൂടിയത്. തിരുവനന്തപുരത്ത് സ്വകാര്യവ്യക്തിക്ക് കൈമാറാന് കൊണ്ടുവന്നതാണ് പണമെന്നാണ് യുവാവ് എക്സൈസിനെ അറിയിച്ചത്.
