ആലപ്പുഴ : വർഗീയതയ്ക്ക് എതിരെ യൂത്ത് കോൺഗ്രസ് ക്യാംപയിൻ തുടങ്ങുന്നു. ഇന്ത്യ യുണൈറ്റഡ് എന്ന ക്യാമ്പയിൻ ഒക്ടോബർ 2 ന് തിരുവനന്തപുരത്ത് നിന്ന് തുടങ്ങാനാണ് തീരുമാനം. 1000 കേന്ദ്രങ്ങളിൽ പദയാത്ര നടത്തും.140 മണ്ഡലങ്ങളിൽ ഐക്യ സദസ് സംഘടിപ്പിക്കും. ഒരു ലക്ഷം ഭവനങ്ങളിൽ ഗാന്ധി നെഹ്റു സ്മൃതി സംഗമം നടത്താനും യൂത്ത് കോൺഗ്രസ് സംസ്ഥാന കമ്മറ്റി തീരുമാനിച്ചു.
വർഗീയ ചേരിതിരിവുകൾ ഉണ്ടാക്കാൻ അപകടകരമായ ശ്രമം നടക്കുന്നുവെന്ന് യൂത്ത് കോൺഗ്രസ് സംസ്ഥാന അധ്യക്ഷൻ ഷാഫി പറമ്പിൽ പറഞ്ഞു. കുറ്റകൃത്യങ്ങളിൽ പോലും മതം കാണുകയാണ്. തങ്ങൾക്ക് നേട്ടം കിട്ടുമോ എന്നറിയാൻ സംസ്ഥാന സർക്കാർ മൗനം പാലിക്കുകയാണ്. സിപിഎം സംസ്ഥാന സെക്രട്ടറി വിജയരാഘവൻ വർഗീയ രാഘവനാണ്. സമാധാനം ഉണ്ടാക്കാനുള്ള കോൺഗ്രസ് ശ്രമം കണ്ടപ്പോൾ ഹാലിളകിയ ഡിവൈഎഫ്ഐ ഇപ്പോൾ കെ പി സി സി പ്രസിഡൻ്റിന് എതിരെ ഇറങ്ങിയിരിക്കുകയാണെന്നും ഷാഫി ആരോപിച്ചു. ആർ എസ് എസ് സംഘപരിവാർ അജണ്ടയെ യൂത്ത് കോൺഗ്രസ് തകർക്കുമെന്നും ഷാഫി പറഞ്ഞു.
