തിരുവനന്തപുരം : പിണറായി വിജയന് സര്ക്കാരിന്റെ തൊഴില് വഞ്ചനക്കെതിരെ സെക്രട്ടറിയേറ്റിലേക്ക് യൂത്ത് കോണ്ഗ്രസ് നടത്തിയ മാര്ച്ചില് സംഘര്ഷം. ഇന്ന് ഉച്ചക്ക 12.30 ഓടു കൂടിയാണ് യൂത്ത് കോണ്ഗ്രസ് പ്രവര്ത്തകര് സെക്രട്ടറിയേറ്റിലേക്ക് മാര്ച്ച് നടത്തിയത്. പിണറായി സര്ക്കാര് പിന്വാതില് നിയമനം നടത്തുന്നുവെന്നാരോപിച്ചായിരുന്നു മാര്ച്ച്.
ഷാഫി പറമ്പില് എം.എല്.എയുടെ നേതൃത്വത്തിലായിരുന്നു മാര്ച്ച്. സെക്രട്ടറയേറ്റിലേക്ക് തള്ളിക്കയറാന് ശ്രമിച്ച പ്രവര്ത്തകര്ക്കു നേരെ പോലീസ് ജലപീരങ്കി പ്രയോഗിച്ചു. തുടര്ന്ന് ശാന്തരാത്ത പ്രവര്ത്തകര്ക്കു നേരെ കണ്ണീര്വാതകം പ്രയോഗിക്കുകയായിരുന്നു. ഇതില് രണ്ട് പ്രവര്ത്തകര്ക്ക് പരിക്കേല്ക്കുകയായിരുന്നു. ഇവരെ ആശുപത്രിയിലേക്ക് മാറ്റി. സ്ഥലത്ത് സംഘര്ഷാവസ്ഥ തുടരുകയാണ്.