ഭോപ്പാല്: ക്വാറന്റൈന് കേന്ദ്രത്തില് വെച്ച് 22കാരിയുടെ കുളിമുറി ദൃശ്യങ്ങള് പകര്ത്തിയ രണ്ട് പേര് അറസ്റ്റില്. മധ്യപ്രദേശിലെ സാഗര് ജില്ലയിലാണ് സംഭവം. കഴിഞ്ഞയാഴ്ചയാണ് ക്വാറന്റൈന് കേന്ദ്രത്തിന് പുറത്തെ താത്കാലിക കുളിമുറിയില് കുളിക്കുന്നതിനിടെ യുവാക്കള് യുവതിയുടെ ദൃശ്യങ്ങള് പകര്ത്തിയത്. തുടര്ന്ന് ഈ ദൃശ്യങ്ങള് സോഷ്യല് മീഡിയയിലൂടെ പ്രചരിപ്പിക്കുമെന്ന് ഇവര് യുവതിയെ ഭീഷണിപ്പെടുത്തിയിരുന്നു. ഇതിന് പിന്നാലെയാണ് യുവതി പോലീസില് പരാതി നല്കിയത്. പ്രതികള്ക്കെതിരെ ഐപിസി വകുപ്പുകള് പ്രകാരമാണ് കേസ് രജിസ്റ്റര് ചെയ്തിരിക്കുന്നതെന്ന് പോലീസ് വ്യക്തമാക്കി.
